MASMUR 7:1 - BIBEL JAMITA NA DENGGAN

¹ O Tuhan Debatangku Ho do onding-ondingku. Palua ma hosangku sian halak na mangayak au.

MASMUR 7:1 ပူးပေါင်းရင်းမြစ်များ

MASMUR 11:1

Tu Tuhan i do au maronding-onding; nada parguna adong mandok tu au, “Palua ma dirimu songon unggas na habang tu dolok adu.”

MASMUR 13:3

Parate-atehon jana alusi au, ale Tuhan Debatangku. Pargogoi au jana ulang padiar mate au,

MASMUR 13:5

Tapi anggo au mararop ni roha do tu ibo ni rohaMu, marmoga-moga ma rohangku, angke Ho palua au.

MASMUR 18:2

Tuhan do parondinganku, benteng na togu di au. Tu Debata do au marsilaung, gabe sonang au marlindung. Songon parince digupgupi Ia au, dijago Ia au tongtong anso sai sonang au.

MASMUR 18:28

Ho do hatiuranku, ale Tuhan Debatangku, Ho do na markuaso di hagolapanku.

MASMUR 25:2

o Tuhan, Ho do haposan ni rohangku! Ulang padiar dipaila au, jana disurahi angka musungku.

MASMUR 26:1

Lehen ma hatigoran tu au ale Tuhan, angke madung hupatupa na denggan. Tu Ho do au mararop roha, saotik pe nada au marganggu ni roha.

MASMUR 3:7

Palua ma da au ale Tuhan Debatangku, uhumi jana taluhon ma sude angka musungku.

MASMUR 30:12

Jana nada ra be au manghasipkon; endehononku noma Ho dipamujion. O Tuhan, Ho do da Debatangku, sai mandok tarimakasi tu Ho do au salolotna.

MASMUR 30:2

Tu Ho do au pio-pio, ale Tuhan Debatangku, jadi gabe dipamalum Ho au.

MASMUR 31:15

Ho do na sai tongtong pature-ture au; palua ma au sian musungku, dohot sian halak na manyosak au.

MASMUR 32:10

Sanga ise angka pardosa, dondonan ni bahat hasusaan; tapi anggo na marpos ni roha tu Tuhan sai hot do i dilinggomi jana dihaholongi Tuhan.

MASMUR 43:4

Jadi dapotkononku ma langgatanMu ale Debata, Ho sajo ma i mual ni hatuaanku. Marende ma au jana mamiltik hasapi, papuji-puji Ho, ale Debatangku, ale Debatangku.

MASMUR 89:26

Dokkononnia ma tu au, ‘Ho do Damang jana Debatangku, Ho do pangondianku dohot sipalua au.’

JESAYA 50:10

Ale hamu na pasangap Tuhan Debata, jana na mangoloi hata ni naposoNia, betak na golap do dalan na nibolusmunu, tapi laing porsaya ma tu Tuhan, Ia ma pangasahon hamu!

JEREMIA 15:15

Dung i hudok ma, “Diboto Ho do ale Tuhan. Ingot ma au jana urupi. Baloskon ma tu halahi na manyosak au. Ulang mabahattu sobarMu maradopkon halahi gabe sanga lalu dibunu halahi au. Ingot ma antong, hara ni Ho do da umbaen na marlayas au.

JEREMIA 20:11

Tapi Ho do ale Tuhan donganku; na sun gogo do Ho boti barani. Muli madabu jana abis gogo do halahi angka na manyompiti ngolungku. Maila ma halahi sapanjangna sundat ma sude sangkapna. Paingot-ingoton ma samatua habileon ni halahi sudena.

JEREMIA 31:18

Hubege do halak Israel mangkuling di bagasan arsak godang, ‘Ale Tuhan, tudos do hami tu lombu riar na so dipajinak hape diajar Ho do hami anso patu, saonnari madung rade hami mulak tu adopanMu. Antong, oban ma hami mangulahi, ale Tuhan, Debatanami.

DANIEL 9:4

Huoku do disi sude dosa ni bangsongku tu Tuhan Debatangku. Ningku do, “O Tuhan Debata, na godang do Ho jana hami parsangapi do Ho. Sai dipatulus Ho do baga-bagaMu jana dipatuduhon Ho do holong ni rohaMu na manongtong i tu angka na marholong ni roha tu Ho jana na patuluskon sanga aha na niparentahonMu.

HABAKUK 3:1

Tangiang ni Panurirang Habakuk. Mangihutkon logu ni andung-andung.

ZAKARIA 14:5

Marlojongi ma hamu mamolus sian lombang na mambagi dolok i gabe marbola dua. Marlojongi ma hamu songon angka ompu na umpompar hamu di hamamasa ni lalo taran mamarenta si Usia raja ni Juda. Jadi ro ma antong Tuhan Debatangku, diudurkon Surusuruan sudena.

JOSUA 14:8

Hape anggo angka jolma na kehe rap dohot au, mambaen mabiar do halak Israel. Hape anggo au totop do unduk mangoloi Tuhan Debatangku.

1 PETRUS 1:21

Markite-hite Ia do porsaya hamu tu Debata na pangoluhon Ia mangulahi sian hamatean dohot na pasangapkon Ia. Jadi Debata do na nihaporsayaanmunu jana laing tu Debata muse ma hamu mararop ni roha.

1 PETRUS 4:19

Hara ni i, muda adong sanga ise halak na manaon parkancitan hara ni hagiot ni Debata, angkon laing tigor ma ngolu ni halak na songon i jana dipasahat halahi ma diri ni halahi tu Sipanompa i. Sai patulusonNa do na nijanjihonNia.