MASMUR 69:3 - BIBEL JAMITA NA DENGGAN

³ Pio-pio do au marsurak lopus loja jana mahiang tolonanku. Maniak huhilala matangku mararop roha di Debatangku.

MASMUR 69:3 ပူးပေါင်းရင်းမြစ်များ

JOB 11:20

Tapi anggo parjahat sai balangboling panailina, hara ni na so adong pangambilingan dapotsa. Hum sada noma arop ni rohana, i ma dung dapot ujung ni ajalna.”

JOB 16:16

Marrarai bohingku hara ni na tangis; marbosoli lampak ni matangku marlombaman,

MASMUR 119:123

Maniak matangku painte Ho laho paluahon au, painte-inte haluaan na ni baga-bagahonMu.

MASMUR 119:82

Barnit matangku, paintehon Ho manggohi baga-bagaMu, marsapa au, “Andigan do apoanMu au?”

MASMUR 22:15

Aru-arungku mahiang songon ngarngar, dilaniba lohot di langit-langit ni pamangan. Anggo au madung ditinggalkon Tuhan, songon halak na mate di kuburan.

MASMUR 22:2

Ale Debatangku, hatiha arian au pio-pio, tapi laing tongtong do hohom Ho. Hatiha borngin martangiang au, laing nada sonang rohangku.

MASMUR 25:21

Sai hadengganan dohot hatigoran ma mangondingi au, angke Ho do pos ni rohangku.

MASMUR 39:7

Saonnari aha dope na hupainte, ale Tuhan? Tu Ho do au mararop roha.

MASMUR 40:3

Diajari Ia do au mangendehon logu na imbaru, logu na mamuji Debatanta. Bahat do halak midasa jana gabe mabiar, gabe manghaporsayai Tuhan.

MASMUR 6:6

Humolos au pola marsak situtu; ganop borngin mardodor ilungku, manombur podomanku.

MASMUR 69:21

Di hatiha male au, rasun do dilehen di au, di na manguas au, cuka do dilehen di au.

MASMUR 88:7

Didondoni rimasMu au santak boratna, maropuk ma da au baenon ni pangamuk ni murukMu.

JESAYA 38:14

Sorangku mur longon jana lambok, songon darapati morong-orong noma au. Loja matangku hara ni na sai manatap tu langit, Tuhan, palua ma au sian hasusaan on.

ANDUNG 2:11

Marbosoli matangku hara ni na so mantak tangis, marhancit tondingku songon na dihoris. Loja au holosan paida-ida haruruncur ni bangso i, na baru sorang dohot dakdanak marompasan di dalan ni kota i.

JOHANNES 19:28

Dung i diboto Jesus ma na dung sidung sasudena; jadi songon na tarsurat di Buku Na Badia i angkon laing tulus do i, gabe didok Ia ma, “Manguas Au.”

PANGARATAION 28:32

Di jolo ni matamu lehenon ma anak dohot borumu gabe hatoban tu halak sileban. Maniak ma matamunu ganop ari hara ni na manjalahi dakdanakmunu i, hape magopo do angke nada mulak be halahi.

IBRANI 5:7

Hatiha di ngolu ni Jesus di tano on, mangangguk godang do Ia tangis martangiang dohot pasahatkon angka pangidoanNia tu Debata, na margogo paluahon Ia sian hamatean. Boti hara ni na mangoloi Ia tu Debata mardongan sangap na gok, gabe ditangihon Debata do pangidoanNia i.