MASMUR 69:24 - BIBEL JAMITA NA DENGGAN

²⁴ Palalu ma da hamumurukMu tu halahi, sai didondoni rimasMu ma nian halahi.

MASMUR 69:24 ပူးပေါင်းရင်းမြစ်များ

MASMUR 79:6

Palalu ma rimasMu maradopkon angka bangso na so mananda Ho, dohot maradopkon angka harajaan na so martangiang tu Ho.

HARURUAR 15:15

Angka pamimpin ni Edom gabe manyogar halak Moab na gogo i gabe manyikur, angka halak Kanaan pe marroha heput.

JESAYA 13:8

Didondoni biar ma halahi sudena jana marngeati hancitan, songon ina na manubuhon dakdanak. Marsiligi-ligian ma halahi sak be rohana, marrarai bohina i hara ni ilana.

HOSEA 5:10

Didok Tuhan ma, “Muruk do Au hara ni na diporangi ni angka pamimpin ni Juda jana dirampas halahi tano ni Israel. Hara ni i timpalkononKu ma uhuman tu halahi songon aek magodang.

ZAKARIA 1:6

Tapi sude hata dohot angka paraturanKu na dung Huparentahon tu angka naposongKu, angka panurirang, nada he madung lalu i tu angka ompumunu?” Jadi muba ma roha ni halahi, jana ninna ma, “Songon Tuhan Na Markuaso na marsangkap mambaen pangalaho maradopkon hita, tudos tu na hita karejohon, songon i ma dibaen Ia pangalaho maradopkon hita.”

LUKAS 21:22

Angke anggo angka ari i, i ma, ‘Angka ari pamaloson.’ Jadi di na songon i ma tulus sanga aha na dung tarsurat di Buku Na Badia i.

PANGARATAION 31:17

Muda tarjadi songon i, hona muruk ma halahi baenonKu. TadingkononKu ma halahi, tabunihononKu ma bohingKu maradopkon halahi jana pangabison halahi. Marroan ma bahat parmaraan na ampe tu halahi, jana botoon ni halahi ma umbaen na masa pe songon i tu halahi, angke Au do antong Debata ni halahi, hape nada Hudongani be halahi.

HALUMBAAN 16:1

Dung i hubege ma sada sora na gogo sian Bagas Na Badia i. Didok sora i ma tu surusuruan na pitu i, “Kehe ma hamu, duruskon hamu ma haririmas ni Debata isi ni sambong na pitu i tu tano!”