MASMUR 69:20 - BIBEL JAMITA NA DENGGAN

²⁰ Magopu pangkilalaanku hara ni tilako malu-malu, gabe putus asa noma au. Sai hujalahi do halak na maribo ni roha nian hape so adong, hulului pangapoi, hape magopo do.

MASMUR 69:20 ပူးပေါင်းရင်းမြစ်များ

MASMUR 123:4

Tuk ma bahatna incak ni halak na kayo tu hami dohot incak-incak sian halak na jungkat roha i.

MASMUR 142:4

Manatap au tu siamun dohot tu siambirang, umpe rumang adong huida bantuan. Nada adong na mangondingi au, sanga nada adong na parduli tu au.

MASMUR 42:10

Magopu rohangku hara ni pangincahi ni musu i. Sai torus do sapa-sapa halahi, “Di dia ma he Debatami?”

MASMUR 42:6

Magopu ate-atengku di tano habuangan on, hara ni i taringot rohangku tu Ho. Mayup-ayup tondingku di bagasan galumbang ni arsak, songon aek magodang hagaoron manondong iba, songon parhusasak ni sampuran ni Batang aek Jordan, sian Dolok Hermon dohot Dolok Misar.

JESAYA 63:5

Hujalahi do, hape nada adong na mangurupi Au, longang rohangKu nada adong na mambantu. HamumurukKu parohon gogo di Au, sasada Au, dapot Au do hamonangan.

MATEUS 26:56

Tutu do nian, angkon tarjadi do sude na masa on anso tulus muse sanga aha na nisuratkon ni angka panurirang di Buku Na Badia i.” Dung i markehean ma sude anak sisean ni Jesus i maninggalkon Ia.

MARKUS 14:37

Dung i mulak ma Jesus, hape didapot Ia ma tarpodom anak siseanNia i. Dung i didok Ia ma tu si Petrus, “O, Simon! Na tarpodom do ho? Hum sajom sajo pe inda tarbaen ho be jonggor?”

MARKUS 14:50

Kehe ma sude martabuni anak siseanNia i.

JOHANNES 12:27

“Songon na marsak do rohangKu saonnari. Aha do na giot sidohononKu? DohononKu do, ‘O Amang ulang ma padiar Au mamolus partinaonan on!’ Hape nian laho manaon partinaonan on do umbaen na ro Au.

JOHANNES 16:32

“Ligi hamu ma: Ro ma hatihana, jana tardok madung lalu i, paserahon ma hamu. Marmulahan be ma hamu tu bagasmunu jana tinggalkononmunu ma sada Au. Hape nada mamunjung Au, angke rap do Ama i dohot Au.

IBRANI 11:36

Adong ma deba na niincahan, na diparkanciti, dirante jana dipamasuk tu hurungan.