MASMUR 69:17 - BIBEL JAMITA NA DENGGAN

¹⁷ Ulang Ho martabuni tu au, naposoMon, susa do au, ompoti ma mangurupi au.

MASMUR 69:17 ပူးပေါင်းရင်းမြစ်များ

JOB 7:21

Na so tarampuni Ho be he dosangku? Na so tarbaen sesaonMu be lakna salangku? Santongkin nari mambustang noma da au di kuburan, jana muda dijalahi Ho au, nada adong be sidumpangan.”

MASMUR 102:2

Ulang marbalik Ho sian au muda di bagasan hasusaan au. Tangihon ma muda pio-pio au, manigor ma alusi au.

MASMUR 13:1

Lopus andigan ale Tuhan? Ro di salolotna do halupahononMu au, jana monjap sian au?

MASMUR 143:7

Alusi ma au saonnari, ale Tuhan, dibaen madung magotap arop ni roha. Ulang martabuni be tu au anso ulang songon halak na manuat tu hamatean au.

MASMUR 143:9

Ro do au tu Ho giot maronding-onding, ale Tuhan, palua ma au sian angka musungku.

MASMUR 22:24

Angke nada dipadiar Ia halak na niparkancitan, jana nada nayang rohaNia di pardangolanna. Nada dihudukkon Ia halahi, tapi mangalusi do Ia muda pio-pio halahi tuSia.

MASMUR 27:9

Ulang ma martabuni Ho sian au. Ulang muruk Ho tu au; ulang suru kehe, naposoMu do au on. Angke sai Ho do pangurupi di au on, ulang tadingkon au, ale Debatangku, na paluahon au.

MASMUR 40:13

Palua ma au, ale Tuhan, manigor urupi ma au!

MASMUR 44:24

Biasi ma martabuni Ho, jana dihalupahon Ho sitaonon dohot hasusaannami on?

MASMUR 66:14

janji na hupajojor dompak di bagasan hasusaan au.

MASMUR 70:1

Palua ma au ale Debata, manigor ma jolo urupi au ale Tuhan!

ANDUNG 3:22

Hot do manongtong holong dohot asi ni roha ni Tuhan,

MATEUS 26:38

Didok Ia ma tu anak siseanNia i, “Marsak sajo do Au, songon na giot mate Huhilala. Dison ma jolo hamu, anso dohot hamu marjonggor rap dohot Au.”

MATEUS 27:46

Dung pukul tolu andospotang, gogo ma sora ni Jesus ning Ia ma, “Eli, Eli, lama sabakhtani?” astuanna, “O, DebatangKu, DebatangKu, biasi ditinggalkon Ho Au?”