MASMUR 69:13 - BIBEL JAMITA NA DENGGAN

¹³ Tapi tu Ho ma au martangiang, ale Tuhan, ale Debata, alusi ma i di hatiha na tumbuk tu hagiot ni rohaMu, angke na marlobian do holong ni rohaMu na manongtong i; urupi ma au hara ni denggan ni rohaMi.

MASMUR 69:13 ပူးပေါင်းရင်းမြစ်များ

PAMUNGKAAN 24:27

Ning ia ma, “Nipuji ma Ho o Tuhan, Debata ni tuanku si Abraham. Torus do ditiop Ho Tuhan janjiMi na tu tuanku si Abraham jana diuluhon Ho do au lalu tumbuk tu koum sisolkotnia.”

ESTER 5:2

Di na niidania Ratu Ester jongjong di ruar, holong ma rohania marnidasa jana disurduhon ia ma tungkot serenia i tusia. Jadi maju ma antong si Ester lalu dijama ia ujung ni tungkot i.

ESTER 5:6

Di hatiha na minum anggur marsapa ma raja i, “Saonnari paboa ma sanga aha giot ni rohamu. Sanga aha pe na nipangidomu hulehen pe, haru pe satonga sian harajaanku.”

ESTER 7:2

Lalu-lalu minum anggur, marsapa ma raja i mangulahi tu si Ester, “Iabo, di Namora i, aha do ulaning por ni rohamu? Dokkon ma da! Pasti do lehenonku haru pe dipangido ho satonga sian harajaanku.”

MASMUR 32:6

Hara ni i, patut do angkon martangiang tu Ho sude na burju marroha dompak adong dope tinggi giot marsuo dohot Ho. Jadi muda ro pe hasusaan mangalantap, nada jabat hona be halahi.

MASMUR 51:1

Ibo ma jolo rohaMu mida au, ale Debata mangihutkon denggan ni rohaMu dohot holong ni rohaMu. Sesa ma pangalaosingku mangihutkon ibo ni rohaMu.

MASMUR 91:15

Muda pio-pio ia tu Au, alusanKu ma ia. Dompak masa hasusaan, urupanKu do ia, paluaonKu jana lehenonKu ma hasangapan disia.

MASMUR 98:3

Ditiop Ia do janjiNia tu Israel, bangsoNa i, dibaen sai holong do rohaNia jana setia tu halahi. Sude bangso di portibi madung marnida haluaan na sian Debatanta.

JESAYA 49:8

Didok Tuhan tu bangsoNia, “Di hatiha na ungkap rohangKu alusanKu ma ho, di hatiha na paluahon Au, tolongonKu ma ho. Madung Hujadihon jana Hulehen ho gabe janji maradopkon jolma, laho mambangun portibi on mangulahi, jana mambagi-bagihon tano pusako na dung mamolngit i.

JESAYA 55:6

Jalahi ma Tuhan dompak tarbaen dope dapot, pio hamu ma Ia salolot laing donok dope Ia.

ANDUNG 3:63

Sian manyogot lalu tu borngin, sipartataan sajo ma au dibaen.

MIKA 7:20

PatuduhononMu ma tu bangsoMu pomparan ni si Abraham dohot si Jakob habonaranMu dohot holong ni rohaMu na so marparsuhatan i songon na nijanjihonMu tu ompunami narobi.

LUKAS 1:72

Anso markite-hite i ma dipatuduhon Ia haburjuon ni rohaNia tu angka ompunta jana digohi Ia do janjiNia na badia i.

LUKAS 22:44

Mabiar situtu do Jesus, gabe mur marsitutu ma Ia na martangiang i. Songon mudar noma hodokNia manetehi tu tano i.]

2 KORINTUS 6:2

Didok Debata do di Buku Na Badia i, “Di hatiha na nipatumbuk, madung Hutangihon pio-piomu, jana di ari haluaan madung Huurupi ho.” Tangkas ingot hamu! Saonnari ma hatiha na nipatumbuk i. Saonnari ma arina, ari haluaan.

IBRANI 5:7

Hatiha di ngolu ni Jesus di tano on, mangangguk godang do Ia tangis martangiang dohot pasahatkon angka pangidoanNia tu Debata, na margogo paluahon Ia sian hamatean. Boti hara ni na mangoloi Ia tu Debata mardongan sangap na gok, gabe ditangihon Debata do pangidoanNia i.

1 PETRUS 2:23

Di na hona incak Ia, nada mangincahi Ia mambaloskon. Dompak na niparkancitan i Ia, nada mangondam Ia; tapi dipasahat Ia do parkaroNia i tu Debata, Panguhum na tigor i.

1 SAMUEL 25:8

Sapai ma antong tu halahi, pasti parhatutuon ni halahi songon i. Antong, hara ni i, denggan ma jagit angka paranganku di bagasmu, dibaen di ari na godang on do hami ro. Laing lehen muse di angka naposomon dohot di au si Daud, sanga na aha ma na nionjar ni rohamu.”