MASMUR 69:1 - BIBEL JAMITA NA DENGGAN

¹ Ale Debata, palua ma au, maliput aek lalu tu tolonanku.

MASMUR 69:1 ပူးပေါင်းရင်းမြစ်များ

JOB 22:11

Madung disonggopi hagolapan ho, gabe nada adong be idaonmu bagi aha; jana ayupon ni banjir noma ho.

MASMUR 18:4

Mara hamatean manghaliangi au ombak parmaraan mangaliputi au.

MASMUR 32:6

Hara ni i, patut do angkon martangiang tu Ho sude na burju marroha dompak adong dope tinggi giot marsuo dohot Ho. Jadi muda ro pe hasusaan mangalantap, nada jabat hona be halahi.

MASMUR 45:1

Dituturi angka hata na denggan do au; hupatomu-tomu do ende on di raja. Tarsongon pulpen panggurit ni sada panyurat na somal marhata madung singkop dilangku pajojor umpama.

MASMUR 60:1

Di bagasan hamumurukMu diponggol Ho do partahanannami, jana nada ra Ho ale Debata rap dohot hami. Tapi anggo saonnari, mulak ma Ho tu hami.

MASMUR 69:2

Ronjom do au tu ombik na bagas, nada adong baen sidegean. Mogap au di aek na bagas, mayup-ayup dibaen galumbang ni pasang.

MASMUR 80:1

Ale Parmahan ni Israel, tangihon ma hami, Ho do pamimpin ni bangsoMu, sai parrohahon hami. Ho na marhabangsa di ginjang ni kerub, ro ma Ho mardongan sahala na godang.

JESAYA 28:17

Hatigoran do tali panyuhat ni ojahan i jana hajujuron do tali pandodona.” Paison ni ambolas ma ias sude gabus na gabe sitioponmunu i. Ayupon ni aek magodang ma inganan parlindunganmunu i.

JESAYA 43:2

DongananKu do ho di na mamolus aek na bagas, nada mayup ho mamolus angka batang aek; nada mosok ho muda mamolus api nada tutungon ni banggar ni api be ho.

ANDUNG 3:54

Dibonom aek lalu tu ulungku, jana marpikir ma au, ‘Tammat ma hape baritangku!’

HALUMBAAN 17:15

Dung i didok ia ma tu au, “Sude aek i, na niidamu juguhan ni panggampang i, i ma angka bangso dohot halak na bahat, angka marga dohot bahasa.