MASMUR 68:7 - BIBEL JAMITA NA DENGGAN

⁷ Di na nitoguMu bangsoMu, ale Debata, mardalan mamolus padang na hiang,

MASMUR 68:7 ပူးပေါင်းရင်းမြစ်များ

MASMUR 107:34

Tano na napu dibaen Ia gabe tano garoga, hara ni hajahatan ni jolma na manginganisa.

MASMUR 146:7

Dilehen Ia do hatigoran tu halak na hona sosak, jana na mangalehen sipanganon tu halak na male. Dipalua Tuhan do angka na tarhurung,

HARURUAR 13:21

Muda hatiha arian, mardalan ma Tuhan di jolo ni halahi di bagasan tiang ombun, jana hatiha borngin dijoloi Ia ma halahi di bagasan tiang api laho patidahon dalan. Dung songon i, tarbaen halahi ma mardalan arian dohot borngin.

JESAYA 61:1

Dirajai Tondi Ni Tuhan Debata i ma au; dipili jana disuru Ia au, laho maroban jamita na denggan tu halak na pogos dohot na lebak, jana pamalumkon halak na magopu rohana; laho pabotohon tu halak tahanan paboa na tibu noma halahi dapotan haluaan, dohot tu angka jolma na di hurungan bahaso halahi na dung mardeka.

MIKA 2:13

BukaonKu ma dalan jana obanonKu hamu haruar sian habuangan. Onjarkononmunu ma angka pintu ni horbangan jana kehe ma hamu so adong mangambat. Au Tuhan, Au sandiri Rajamunu, jana Au manguluhon hamu haruar.”

PANGARATAION 4:34

Jungada ma he adong sada debata na puluk mambuat sada bangso sian bangso na asing lalu mambaen halahi bangsonia sandiri, songon na nibaen ni Tuhan Debatamunu di hamu di Mesir? Diida hamu sandiri do sanga songon dia godang ni hagogoon ni Debata parohon parmaraan dohot porang, mambaen angka hahomangan dohot patuluskon angka pangalaho na jorbut.

HAKIM-HAKIM 4:14

Dung i ninna si Debora ma tu si Barak, “Tole bo, maju ma! Tuhan ma mamimpin ho. Di ari on ma dilehen ia hamonangan di ho maralohon si Sisera.” Jadi manuat ma si Barak sian Dolok Tabor rap dohot dongannia sisampulu ribu halak i,

HAKIM-HAKIM 5:4

Tuhan, di na mardalan Ho ruar sian Seir, dohot Luat Edom ditadingkon Ho, humotar portibi. Angka bubusan ni langit pe marbuka, jana diduruskon angka ombun ma aekna.