MASMUR 68:6 - BIBEL JAMITA NA DENGGAN

⁶ Dilehen Ia do inganan di halak na tarpunjung dilehen Ia haluaan dohot hatuaan di halak na tarhurung. Hape anggo halak na mangalo Tuhan, angkon maringanan do di tano na harsang.

MASMUR 68:6 ပူးပေါင်းရင်းမြစ်များ

MASMUR 10:14

Tapi ale Debata diida Ho do parkancitannami, jana tontu do tolonganMu hami. Halak na so margogo pasahatkon tu Ho dirina sudena, Ho do na mangurupi na so marama so marina.

MASMUR 107:10

Adong ma i na puhung di hagolapan na tarhurung di bagasan hasusaan dohot bosi;

MASMUR 107:14

Dioban halahi ruar sian hagolapan; diponggolkon Ia rante ni halahi.

MASMUR 107:34

Tano na napu dibaen Ia gabe tano garoga, hara ni hajahatan ni jolma na manginganisa.

MASMUR 113:9

Tu ina na so maruntungan dilehen Ia dakdanak, dibaen Ia do i gabe ina na martua. Puji ma Tuhan!

MASMUR 146:7

Dilehen Ia do hatigoran tu halak na hona sosak, jana na mangalehen sipanganon tu halak na male. Dipalua Tuhan do angka na tarhurung,

MASMUR 69:33

Dibaen ditangihon Tuhan antong halak na lebak, nada dihalupahon Ia bangsoNia na di hurungan.

PODA 23:11

Harana, Tuhan do pambela na gogo; Debata do na mambela halahi laho mangalo ho.

JESAYA 61:1

Dirajai Tondi Ni Tuhan Debata i ma au; dipili jana disuru Ia au, laho maroban jamita na denggan tu halak na pogos dohot na lebak, jana pamalumkon halak na magopu rohana; laho pabotohon tu halak tahanan paboa na tibu noma halahi dapotan haluaan, dohot tu angka jolma na di hurungan bahaso halahi na dung mardeka.

HOSEA 2:3

Muda sai dipupu ia do na marhalaklahi, talduskononKu ma pakeannia i anso talak-talak ia songon di ari parsorangnia. Giot baenonKu noma ia songon tano na mahiang jana na gariang; gabe mate ma ia, mate manguas.”

MALEAKI 1:3

hape sego do rohangKu anggo mida si Esau dohot pomparannia. Huroncohon do tano partoran ni si Esau, jana Hupasahat tanona i tu angka binatang panyoro.”

BAENON NI ANGKA RASUL 16:26

Jadi tompu ma ro lalo na lobi gogo, jabat humutur dohot ojahan ni hurungan i. Marbuka ma sude pintu ni hurungan i jana martaldusan muse ma angka rante ni na tarhurung i sude.

GALATIA 4:27

Angke tarsurat do di Buku Na Badia i, “Marjop ni roha ma ho ale ina na so maruntungan na so jungada manubuhon dakdanak! Marmoga-moga ma ho jana marsurak-surak, ale ho na so jungada mangae manubuhon anak! Harana dadaboru na nitadingkon ni halaklahina umbahat dope dapotsa dakdanak ulang pado dadaboru na rap dohot halaklahina.”

PANGARATAION 10:18

Dibela Ia do hak ni na tinggal menek dohot na mabalu, anso dibaen tu halahi uhum na tigor; dihaholongi Ia do halak na asing na tinggal rap dohot hita jana dilehen Ia pakean dohot sipanganon di halahi.

1 SAMUEL 2:5

Halak na butongan hian najolo i hara ni sipanganon na marlobi. Saonnari gabe pangomo-omo hum anso dapotan sipanganon sajo. Halak na tangkuraparon najolo, saonnari marsonang-sonang, tuk panganonna. Dadaboru na so maruntungan, saonnari marhamogaan, manubuhon pitu dakdanak! Hape anggo ina sibahat anak, ditadingkon, dipadiar marsak.