MASMUR 68:4 - BIBEL JAMITA NA DENGGAN

⁴ Marende ma hamu di Debata, puji ma goarNia, parade ma dalan diSia na markareta ombun. Tuhan do goarNia, marolop-olop ma di joloNia.

MASMUR 68:4 ပူးပေါင်းရင်းမြစ်များ

MASMUR 104:3

diginjang ni aek di langit dipajongjong Ho bagasMu. Angka ombun do dibaen Ho karetaMu, na mardalan di ginjang ni habong ni alogo.

MASMUR 16:11

Dipatidahon Ho do tu au dalan hangoluan; rap dohot Ho mambaen au gok hamogaan dipapuas Ho rohangku salolot ni lolotna.

MASMUR 18:10

Juguk ma Ia di ginjang ni kerub jana habang, habang di ginjang ni habong ni alogo.

MASMUR 5:12

Angke dipasupasu Ho do sanga ise na mangoloi Ho, markite-hite holong ni rohaMu, halahi diramoti Ho.

MASMUR 66:2

Endehon jana pagodang ma goarNia, pasangap ma Ia marhite puji-pujian.

MASMUR 66:4

Sude tano on tunduk marsomba di adopanMu, marende do halahi mamuji goarMu.

MASMUR 67:4

Angke marhite hatigoran do Ho manguhumi, jana ditogu Ho do sandok bangso di portibi on.

MASMUR 68:33

diSia na mamolus awang-awang, angkasa na adong sian narobian. Tangihon bo! Gogo do Tuhan mandok hata, matuoror maradu gogo, soraNia.

MASMUR 83:18

Anso diboto halahi hum Ho do Tuhan Na Gumincat, Tuhan, na mangarajai sandok portibi.

MASMUR 97:11

Halak na tigor ditorangi sinondang, halak na jujur gok jop ni roha.

HARURUAR 3:14

Didok Debata ma tu si Musa, “Au do Au Na Adong. I ma dohononmu tu halahi, ‘Na nigoaran i Au Na Adong i do na marsuru au manopot hamu.’

HARURUAR 6:3

Ro do Au mandapotkon si Abraham, si Ishak dohot si Jakob, i ma Debata na gok kuaso, tapi nada Hupataridahon diringKu tu halahi marhite goar ‘Tuhan’ i ma goarKu na badia i.

HARURUAR 6:8

ObanonKu ma hamu tu luat na dung Hujanjihon hian di bagasan sumpa tu si Abraham, si Ishak dohot si Jakob; lehenonKu ma tano i gabe nampunamunu sandiri, Au do Tuhan.’ ”

PODA 10:28

Arop ni roha ni halak na denggan mambaen ia marjop roha; arop ni roha ni halak na jahat do na soada.

JESAYA 19:1

On ma tona salaho tu Mesir. Ro do Tuhan tu Mesir manengget ombun na hipas. Humitir ma angka gana-ganaan ni Mesir di joloNia jana menek ma roha ni halak Mesir marnidasa.

JESAYA 40:3

Adong ma halak na marsurak pio-pio, “Hobasi ma di halongonan dalan ni Tuhan. Baen hamu ma di halongonan dalan godang di Debatanta.

JESAYA 62:10

Ruar ma hamu sian horbangan, parade hamu ma dalan di halak na marmulahan. Baen ma dalan godang, paduru batuna, pajongjong ma mandera di angka bangso.

PANGARATAION 33:26

“O, Israel, boto hamu ma, sumurung do Debata sian sasude debata. Dibolus Ia do langit di bagasan hamuliaan mamintas di ombun mangalehen di hamu tolongan.