MASMUR 68:29 - BIBEL JAMITA NA DENGGAN

²⁹ Sai marsioban silua somba-somba ma angka raja baen di BagasMu di Jerusalem kota na badia.

MASMUR 68:29 ပူးပေါင်းရင်းမြစ်များ

1 RAJA-RAJA 10:10

Dung i dipasahat ratu na sian Seba i ma angka silua na niobanna i tu si Salomo, lobi opat ribu kilogram sere dohot batu intan bahat songon i dohot angka parmasak. Dung i nada jungada be dijagit si Salomo parmasak songon bahat ni na nilehen ni ratu na sian Seba i tusia. (

1 JUJUR TAON 29:3

Jabat do hara ni holong ni rohangku di Bagas Ni Debatangki, madung hupasahat muse perak dohot sere sian sinadonganku sandiri:

2 JUJUR TAON 32:23

Bahat do halak marroan tu Jerusalem maroban haul tu Tuhan dohot angka hadiah di si Hiskia, jadi mamungka sian i gabe dipasangap sandok bangso ma ia.

2 JUJUR TAON 32:33

Marujung ma ngolu ni si Hiskia, lalu dikuburkon ma ia di panangkohan na di tano kuburan ni raja-raja. Sude do rayat ni Juda dohot Jerusalem mangalehen hasangapan na godang tusia di parmatenia i. Gabe raja ma anaknia si Manase manggontihon ia.

NEHEMIA 2:8

Tamba ni i, laing hupangido dope surat tu si Asap panjago ni harangan harajaan, anso dipasingkop ia hayu sibaenon tu pintu horbangan ni benteng na manjagohon Bagas Ni Tuhan, dohot sipakeon di tembok ni kota dohot bagas na giot ingananku. Dioloi raja i do sude pangidoanki, dibaen ditolong Debata do au.

MASMUR 45:12

Maroban silua somba-somba do halak Tirus mambuat roha do tu ho halak paradongan.

MASMUR 76:11

Gohi ma janjimu tu Tuhan Debatamu. Denggan ma i sude bangso na maringanan di na donok maroban silua di Debata sihabiaran i.

JESAYA 18:7

Dapot do i hatihana, pasahaton ma angka silua somba-somba tu Tuhan Na Markuaso i sian luat na nibolus ni angka batang aek i, sian bangsona na gogo jana na markuaso i, sian angka halakna na ginjang godang jana na marhuling-huling na halus boti na nihabiaran di sude portibi on. Marroan ma halahi tu Dolok Sion, tu inganan parsombaan tu Tuhan Na Markuaso i.