MASMUR 68:21 - BIBEL JAMITA NA DENGGAN

²¹ Satutuna ropuhan ni Debata do ulu ni musuNia, i ma ulu ni halak na laing hot mangolu di bagasan dosa.

MASMUR 68:21 ပူးပေါင်းရင်းမြစ်များ

MASMUR 110:6

UhumonNia noma angka bangso, jorbut marragean angka bangke di galanggang ni porang. AbisanNia noma angka parkuaso na di tano on sudena.

MASMUR 55:23

Tapi anggo Ho ale Debata, sampakkononMu ma halahi tu bagasan lubang na umbagas. Angka panghianat dohot na manduruskon mudar, nada lalu bolusonna satonga ni umurna. Hape anggo au, tu Ho do au porsaya.

MASMUR 68:18

Manaek ma Ia tu inganan na gincat mardongan sahala, bahat do dioban Ia angka na tartaban; jana dijagit Ia do silua somba-somba sian angka jolma, jana dohot sian angka pangalo, anso maringan. halahi rap dohot Tuhan Debata.

MASMUR 7:12

Muda parange ni halahi nada muba, madung singkop Debata dohot sinjata na mambaen pusa. Digarut Ia podangNa, disintak siorNa ditembakkon dohot pana na marapi.

MASMUR 91:3

JagohononNia ma ho sian parmaraan na buni, sian sandok nyae na mambaen mate.

HARURUAR 14:13

Dialusi si Musa ma, “Ulang hamu mabiar! Martahan ma hamu, idaonmunu ma sanga aha sibaenon ni Tuhan laho paluahon hamu sadari on; nada idaonmunu be halak Mesir i.

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

HABAKUK 3:13

Mardalan ma Ho tu jolo laho paluahon bangsoMi dohot mambaen malua raja na nitodoMi. Dipukul Ho do dabu pamimpin ni halak na so hasaya, dihais Ho sude na mangihut tusia.

MARKUS 12:4

Gabe disuru nampuna kobun i ma sahalak nari naposonia na asing. Tapi dipotuk angka na markarejo i ma ulu ni naposo i. Jana dipaila halahi.

LUKAS 13:5

Nada! Tapi ingot hamu ma, hamu pe angkon laing mate do sude sarupa dohot halahi, muda so muba hamu sian angka dosamunu i.”

IBRANI 12:25

Antong, jago ma hamu anso ulang jabat layas rohamunu tuSia na mandok hata i. Salangkan halahi na so manangihon na palalu hata ni Debata di portibi on nada tarbaen marlojong, mur ma hita on na umbege hata na nidokNia sian banua ginjang. Muda nada ra hita manangihonsa, bia dope pambaenna malua hita sian Ia!