MASMUR 68:2 - BIBEL JAMITA NA DENGGAN

² Mago ma halahi songon timus ni api. Songon lilin na malala di bagasan api, lintop ma parjahat sian adopan ni Debata.

MASMUR 68:2 ပူးပေါင်းရင်းမြစ်များ

2 SAMUEL 10:13

Dung i kehe ma si Joab dohot parangannia i mangaroro, jana maporus ma tentara ni Siria i.

2 SAMUEL 10:18

Tapi ditaluhon halak Israel ma tentara ni Siria i. Dibunu si Daud dohot anak buania ma pitu ratus parkareta porang, dohot opat pulu ribu tentara parkudo; asing ni i, banga do bugang ni si Sobah panglima ni tentara ni musu i lopus mate di galanggang ni parporangan i.

MASMUR 22:14

Abis ma sude gogongku, songon aek na durus tu tano, martalgangan sude holi-holingki, ate-ate i pe malala songon lilin na hona api.

MASMUR 37:20

Hape na giot harom do anggo parjahat, mago boti ma halahi songon timus. Marmagoan ma angka musu ni Tuhan songon bunga na di padang-padang.

MASMUR 76:7

Sude do halak mabiar be mida Ho, muda pola marsijongjong murukMu, ise ma he na tahan?

MASMUR 80:16

Ma pola ditaba jana ditutung musu i muruhi ma anso mago halahi.

MASMUR 97:5

Angka dolok maderder songon lilin di jolo ni Tuhan, di adopan ni Tuhan parkuaso ni sude portibi on,

JESAYA 33:3

Umbege pangaronggur ni hababangkitMu marlojong ma angka bangso jana marserak-serak ma angko bangso.

JESAYA 64:2

songon api na mambaen soban marjimbur jana na mambaen muse aek gabe gurgur. Pataridahon ma kuasoMu tu musuMu, anso manyikur angka bangso di joloMu.

JESAYA 9:18

Songon api na gara mangankon ramba dohot potpot na marduri songon i do hajahatan ni bangso i. Songon parmosok ni harangan do pargarana i martimbual timusna i.

JEREMIA 46:15

Biasi maporus Apis, debatamunu na gogo i? Nada he tolap lombu jantanmunu i dope martahan? Tutu do, madung ditaluhon Tuhan ia!’

HOSEA 13:3

Jadi hara ni i angkon mago ma angka jolma i songon nambur jana songon ombun manyogot. Songon durame di pardegean ma halahi na niombus ni alogo jana songon timus na ruar sian tataring.

MIKA 1:4

Malala do angka dolok di toru ni patNia tudos tu lilin di bagasan api na gara; madencur angka dolok i lalu tu rura, songon aek di tor na marsasak tu lombang.

BILANGAN 10:35

Ganop laho mamorsan Poti Parjanjian i, didok si Musa do, “Jongjong ma Ho ale Tuhan, sarsarkon ma sude musuMu, anso sude halak na mangkagigihon Ho maporus.”