Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MASMUR 68:18 - BIBEL JAMITA NA DENGGAN

18 Manaek ma Ia tu inganan na gincat mardongan sahala, bahat do dioban Ia angka na tartaban; jana dijagit Ia do silua somba-somba sian angka jolma, jana dohot sian angka pangalo, anso maringan. halahi rap dohot Tuhan Debata.

အခန်းကိုကြည့်ပါ။ ကော်ပီ




MASMUR 68:18
47 ပူးပေါင်းရင်းမြစ်များ  

“Tapi ale Debata, tutu dehe tarbaen Ho maringanan di tano on di tonga-tonga ni jolma? Salang sude pe langit i nada tuk bidangna di Ho, mur ma bagas paribadatan na hupajongjong on?


Didok Tuhan do tu tuanku, “Juguk ma ho di siamunKu, lopus tu na Hubaen angka musumu gabe sidege-degean ni patmu.”


Ise do na patut manangkok tu Dolok Ni Tuhan, ise do na patut jongjong di ingananNia na badia i?


Madung dipanaek Debata habangsaNia, mardongan surak-surak dohot sora ni sarune.


Palagut ma angka bangso na humaliang Ho sian habangsaMu na di banua ginjang, tu halahi markuaso do Ho.


Undung-undungNia na di Silo ditadingkon Ia, i ma inganan parmiananNia di tonga-tonganta.


Sai dipauba parjahat ma ngoluna, jana dipadenggan ma rohana. Sai mulak ma ia tu Tuhan Debata, angke paribo roha do Ia jana manigor do ampunanNa ia.


Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.


9 kilometer ginjang ni tembokna i sude. Jana mamungka sian hatiha on digoari halak ma kota i: “DISI DO Tuhan I!”


Mangaronggur ma sora ni Tuhan mangalehen tanda, jana tunduk do tuSia parangan i sude. Na bahat do paranganNia! Santak gogo ni tentara na nipimpinNa! Ari na godang jana na jorbut do ari ni Tuhan! Ise he na bisa mangambati i?


Patangkas hamu ma jolo sanga aha do astuan ni hata on: ‘Mida asi ni roha do jop rohangKu, nada mida haul.’ Harana nada na giot mamiohon halak sibaen na tigor umbaen na ro Au, tapi na mamiohon pardosa do.”


Dung mulak mangolu Jesus, di Ari Minggu manyogot disi ma parjolo dipatidahon Ia diriNia tu si Maria Magdalena. (Sian si Maria on ma unjung dipaorot Ia pitu setan.) Kehe ma dadaboru i mandapotkon si Petrus rap dohot angka dongannia i, manigor dipaboa halahi ma bope hum saotik, sude na nipaboa ni doli-doli i tu halahi.


Sada muse, tarsurat hian do angkon nijamitahon do tu sude bangso markite-hite goar ni Kristus i bahaso na giot ampunan ni Debata ma angka dosa muda dipauba jolma i rohana sian angka dosa ni halahi. Jana mamungka ma barita i sian Jerusalem on.


Au sandiri pe tongosonKu do tu hamu sanga aha na dung dijanjihon ni Damang. Tapi angkon laing painteonmunu do di kota on lopus nisolukkon tu hamu hagogoan na sian ginjang i.”


Jadi taran na mamasumasu Ia tu halahi, marsirang ma Ia sian halahi, manaek ma Ia tu banua ginjang.


Ninna Jesus ma mangalusi, “Sanga ise na mangkaholongi Au, ihutkononna do angka pangajaranKu. Haholongan ni Damang ma Ia. Ro ma Damang dohot Au sandiri mandapotkon ia jana maringanan ma Hami rap dohot ia.


Torus torang ma Hupaboa tu hamu: Maruntungan do hamu muda kehe Au; harana anggo so kehe Au, nada tulus ro Pangurupi i tu hamu. Tapi muda kehe Au, suruhononKu ma Ia ro tu hamu.


Ia na dung dilehen ni Debata tudos tu maksud dohot sangkapNa, madung diparsilangkon hamu di hayu na marsilang jana dibunu markite-hite bangso na geduk.


Jadi digohi Tondi Parbadia ma halahi sude jana mamungka ma halahi mangkatai di hata na asing na marragam-ragam. Mangkatai ma halahi hombar tu hata na nilehen ni Tondi i dokkonon ni halahi.


Si Ananias pe antong kehe ma tu bagas i jana dipayakkon ia ma tangannia tu si Saulus. Didok ia ma, “Ale Saulus, kahanggingku, Tuhan Jesus na niidami di tonga dalan laho tuson ho, Ia do na marsuru au mandapotkon ho anso marnida ho mangulahi jana digohi Tondi Parbadia.”


Hape dipatidahon Debata do holong ni rohaNia mida hita, di na mate i Kristus humopkop hita dompak pardosa dope hita.


Aha ma he pardomuan ni Bagas Ni Debata dohot bagas ni gana-ganaan? Bagas Ni Debata na mangolu i do hita on, Debata sandiri pe didok Ia do, “Maringanan ma Au di tonga-tonga ni halahi, jana mangolu rap dohot halahi. Au ma gabe Debata ni halahi, jana gabe bangsongKu ma halahi.


“Ro do Tuhan sian Dolok Sinai bincar di ginjang ni Edom songon mataniari. Sian Dolok Paran murgap Ia laho manyondangi bangsoNa, diudurkon sampulu ribu surusuruan api na marjilam di tanganna songon hilap.


Harana dibagasan Ia do buni sude arta habisuhon dohot hapistaran.


Angke sasudena hadirion ni Debata dapot do di Kristus, i ma di bagasan hajolmaonNia.


Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.


Hara ni i do dibaen na angkon togu tioponta haporsayaanta i. Angke adong do Malim Godang na sangap di hita, na dung masuk lalu tu jolo ni Debata – i ma Jesus Anak Ni Debata.


Madung ditotas Jesus dalan sibolusonta tusi, jana madung masuk Ia tusi songon Malim Godang di hita salolot-lolotna, di bagasan horong ni Malim Melkisedek.


Impola ni sude na tahatai on, songon on ma: Adong do di hita Malim Godang na songon i, na juguk di siamun ni habangsa ni Debata Na Gumodang i di banua ginjang.


jana madung manaek Ia tu banua ginjang. Saonnari markuaso ma Ia rap dohot Debata jana mamarenta tu sude surusuruan, tu sude parkuaso dohot tu sude angka hagogoon di pangalaho partondion.


On ma arti ni rahasia ni bintang na pitu na niidamu di tangan siamunKon dohot astuan ni parlampuan na pitu na nibaen sian sere i. Bintang na pitu i, i ma angka surusuruan ni parlagutan na pitu i, jana parlampuan na pitu i, i ma parlagutan na pitu i.”


Dung i hubege ma sada sora na gogo sian habangsa i mandok, “Ligi ma, bandar ni Debata adong di tonga-tonga ni jolma, jana maringanan ma Ia di tonga-tonga ni halahi. Gabe Ia noma Debata ni halahi, jana halahi ma gabe bangsoNia.


Jongjong ma si Debora jana tangging na marende i. Jongjong bo ho Barak anak ni si Abinoam, iring ma angka tahanan i.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ