MASMUR 68:17 - BIBEL JAMITA NA DENGGAN

¹⁷ Mardongan angka kareta na togu, bahatna marpulu ribu, ro ma Tuhan sian Sinai tu ingananNa Na Badia i.

MASMUR 68:17 ပူးပေါင်းရင်းမြစ်များ

2 RAJA-RAJA 2:11

Laing mangkobar-kobari do halahi di na mardalan i. Jadi ompot ma ro sada kareta na marapi na nitarik ni kudo na marapi mayirang halahi na dua, jadi diangkat halingsungsung ma si Elia tu banua ginjang.

MASMUR 18:10

Juguk ma Ia di ginjang ni kerub jana habang, habang di ginjang ni habong ni alogo.

MASMUR 9:12

Diingot Ia do halak na tangis jana diparkanciti, jana diuhum Ia halak na mandondoni halahi.

HARURUAR 3:5

Dung i didok Debata ma, “Ulang padonok. Buka solopmi, angke di tano na badia do ho na jongjong on.”

JESAYA 2:2

Angkon tarjadi ma di angka ari na parpudi, dolok inganan ni Bagas Ni Tuhan angkon jongjong di julu ni angka dolok jana tardas di ginjang ni angka dolok marudur ma tu si angka bangso.

JEHESKIEL 43:7

“Ale anak ni jolma, on ma habangsangKu. Dison ma Au giot maringanan di tonga-tonga ni halak Israel jana mamarenta tu halahi salolot-lolotna. Nada be pahodaron ni halahi bope angka raja ni halahi goarKu na Badia i marhite na manyomba gana-ganaan sanga marhite na manguburkon angka raja ni halahi di inganan on.

JEHESKIEL 43:9

Tapi mamungka saonnari angkon antahon ni halahi noma manyomba gana-ganaan dohot na paimbarkon saring-saring ni angka raja ni halahi. Dung i maringanan ma Au di tonga-tonga ni halahi salolot-lolotna.”

DANIEL 7:10

Ruar ma sada batang aek api, jana mamolus sian adopanNia; saribu noli marribu-ribu angka na mangoloi Ia, jana bahat sajo do jolma jongjong di joloNia. Dung i juguk ma angka Panguhum jana diungkap ma Angka Buku.

HABAKUK 3:8

Maradopkon angka batang aek ma he? Maradopkon angka batang aek ma he hamumurukMu? Dipanaek Ho do ombun songon tompangan, di na nilehenmu di bangsoMu hamonangan.

MATEUS 26:53

Ninna rohamu lakna na so tarpangido Au partolongan tu Damang, jana tarsuru Damang do manigor lobi sian dua bolas legion surusuruan?

PANGARATAION 33:2

“Ro do Tuhan sian Dolok Sinai bincar di ginjang ni Edom songon mataniari. Sian Dolok Paran murgap Ia laho manyondangi bangsoNa, diudurkon sampulu ribu surusuruan api na marjilam di tanganna songon hilap.

HALUMBAAN 5:11

Dung i manaili ma au mangulahi. Hubege ma sora ni surusuruan na marribu-ribu dohot na marjuta-juta bahatna! Jongjong ma halahi humaliang habangsa i dohot humaliang mahluk siopat-opat i dohot angka pangituai i.

HALUMBAAN 9:16

Dipaboa do tu au, anggo bahat ni angka parangan na markudo i adong do dua ratus juta bahatna.