MASMUR 67:2 - BIBEL JAMITA NA DENGGAN

² anso nian ditanda dalanMu di sude tano on, jana kuasoMu na paluahon i diboto sude bangso.

MASMUR 67:2 ပူးပေါင်းရင်းမြစ်များ

MASMUR 117:2

Angke dihaholongi Ia situtu do hita, setia do Ia salolot-lolotna. Puji ma Tuhan!

MASMUR 4:7

Jopan do rohangku dibaen Ho ulang pado halak na marlobian di harto.

MASMUR 41:5

Dipardokkoni musungku do na jahat taringot tu au, giot ni halahi mate ma nian au jana dihalupahon.

MASMUR 43:5

Biasi marsak jana susa ho rohangku? Mararop ni roha tu Debata noma au jana mandok tarimakasi tuSia, tu Debatangku jana Sipalua di au.

JESAYA 49:6

“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”

JESAYA 52:10

Patuduhonon ni Tuhan ma tanganNia na badia i di adopan ni sandok bangso, jadi sandok ujung ni portibi manyaksihon na ro Tuhan paluahon.

DANIEL 9:17

Ale Debata, tangihon ma tangiang dohot pangidoankon. Pasuang ma bagasMu na dung sego i; padenggan ma i anso sude halak umboto Ho do Debata.

MATEUS 28:19

Jadi hara ni i, kehe ma hamu tu sude bangso, baen hamu ma halahi gabe halak na mangihutkon Au. Didi hamu ma halahi di bagasan goar ni Ama, goar ni Anak dohot goar ni Tondi Parbadia.

LUKAS 3:6

Idaon ni halak na satano on ma haluaan na sian Tuhan!’ ”

BAENON NI ANGKA RASUL 13:10

didok ia ma, “O anak ni Sibolis! Ho ma musu ni sude na denggan. Biasi dope laing so ra mantak ho manyego-nyego Dalan Ni Tuhan na tigor i?

BAENON NI ANGKA RASUL 18:25

jana na dung diajari do ia laho mananda Dalan Ni Tuhan. Jadi sai marsitutu jana manat do ia mangajari taringot tu Jesus, haru pe hum pandidion ni si Johannes sajo dope na nibotonia.

BAENON NI ANGKA RASUL 22:4

Huparkanciti do lopus mate angka na mangihutkon Dalan Ni Tuhan. Nada marimbar halaklahi sanga dadaboru, hutangkupi do sude sanga ise halak na mangihutkon poda i jana hupahurungkon.

BAENON NI ANGKA RASUL 9:31

Jadi sonang ma angka parlagutan na di Judea, na di Galilea dohot na di Samaria. Boti hara ni pangurupi ni Tondi Parbadia gabe mur martamba ma angka parlagutan i, angke sai mabiar do halahi tu Tuhan di ngolu ni halahi.

TITUS 2:11

Harana madung dilehen Debata asi ni rohaNia laho paluahon jolma sudena.