MASMUR 66:13 - BIBEL JAMITA NA DENGGAN

¹³ Ro do au maroban haul situtungon tu BagasMu, jana hugohi tu Ho janjingku,

MASMUR 66:13 ပူးပေါင်းရင်းမြစ်များ

JOB 22:27

Muda martangiang ho, alusanNia ma i, jana patulus ma antong janjimu sudena i.

MASMUR 100:4

Masuk ma hamu mamolus horbanganNia mardongan ende tarimakasi, tu alamanNia lalu mamuji-muji. Mandok tarimakasi ma tuSia jana puji ma Ia!

MASMUR 116:14

Gohanku ma janjingku tu Tuhan, di jolo ni bangsoNia sudena.

MASMUR 118:19

Buka ma angka pintu horbangan ni Bagas Ni Tuhan, anso masuk au jana mandokkon tarimakasi tu Tuhan.

MASMUR 118:27

Tuhan do Debata, madung ditorangi Ia, hita. Tambatkon ma haul pesta i dohot tali, tu tanduk-tanduk ni langgatan i.

MASMUR 22:25

Pujionku ma Tuhan di tonga ni punguan ni bangso i, hara ni sude angka na dung dibaen Ia. Di adopan ni umat i na manghabiari Tuhan, huhaulkon haul na hujanjihon.

MASMUR 56:12

Patulusonku ma janjingku tu Ho, ale Debata haulkononku tu Ho haul hatarimakasion.

MASMUR 65:2

Ho do na manangihon tangiang; ro do sude halak tu Ho hara ni na dung mardosa.

PARJAMITA 5:4

Jadi muda marjanji ho tu Debata, sigop ma ho patuluskon i. Nada dihagioti rohaNia jolma na bodo pangalahona. Antong patulus ma janjimu.

JUNUS 2:9

Tapi anggo au endehononku ma puji-pujian di Ho jana huhaulkon haul tu Ho. Patulusonku do sude na hujanjihon. Ho do ale Tuhan na paluahon.”

NAHUM 1:15

Ligi da, ro do sada suruan mamolus sian angka dolok, maroban jamita na denggan, barita hamonangan. Ale bangso Juda, pestahon ma ari pestamu jana haulkon ma haulmu tu Debata. Nada rajaan ni parjahat be tanomu. Ma pola sude halahi diabiskon.

PANGARATAION 23:22

Nada mardosa hamu muda nada mambaen janji hamu tu Tuhan,

PANGARATAION 23:23

tapi muda sian na nionjar ni rohamunu do hamu mambaen janji, angkon patulusonmunu do i.

PANGARATAION 23:24

Muda mardalan hamu mamolus di kobun anggur ni halak, tola do papangananmunu batu ni anggurna i sanga sadia giotmunu, tapi nada tola palagutkon tu hadanganmunu.

IBRANI 13:15

Hara ni i, sai tapuji-puji ma Debata markite-hite Jesus; i ma haul haluaan tuSia, na tahaulkon sian pandohan na tapajojor dohot pamanganta laho pasangapkon goarNia.

HAKIM-HAKIM 11:35

Disi diida si Jefta, gabe sun ma arsaknia, jadi gabe disibak-sibak ia ma bajunia jana didok ia ma, “Iale baya borungki, ma magopu ate-atengku! Biasi ma he angkon sai ho na mambaen marsak rohangku? Madung husumpahon tu Tuhan jana nada tarbaen au be manarik i mangulahi!”