MASMUR 65:9 - BIBEL JAMITA NA DENGGAN

⁹ Dilehen Ho do udan tu tano jana tongtong dipature Ho, napu dibaen Ho gabe bahat suhana. Digohi Ho do angka batang aek bubung dohot aek, gabe marsuha maradu bahat.

MASMUR 65:9 ပူးပေါင်းရင်းမြစ်များ

PAMUNGKAAN 26:12

Disabur si Ishak ma same ni suan-suanan di luat i, jana di bagasan taon i dapot ia ma suhana saratus lompit sian na nisaburnia i, dibaen dipasupasu Tuhan do ia.

MASMUR 107:37

Disuani halahi bona ni anggur jana manyuani angka kobun, dipalagut halahi ma sian i, parbatuna mansai bahat.

MASMUR 147:14

Dijago Ia do luatmunu anso dame tongtong, jana dipabutong Ia ho dohot gandum na tumabo.

MASMUR 46:4

Adong do batang aek na pajopkon roha ni Kota Ni Debata, inganan ni Debata Na Gumincat.

MASMUR 63:1

Ale Debata, Ho do Debatangku hujalahi jana huhalungunkon do Ho. Songon tano gariang na mahiang na manguas di aek, songon i ma tondingku manguas di Ho.

MASMUR 65:11

Hara ni denggan ni rohaMu, diparade Ho do sabion ganop taon; sanga tudia Ho kehe, dapot ma marlobi-lobi.

JESAYA 41:5

Angka pulo madung mangaligisa jana gabe mabiar, angka sundut ni portibi on humitir-hitir; ro ma halahi mandonok.

JEREMIA 14:22

Adong ma he lakna na bisa parohon udan sian tonga-tonga ni debata gana-ganaan ni angka bangso i? Sanga tarbaen langit i ma lakna paporkon udan? Hum Ho do ale Tuhan, Debata na hami haporsayai, na bisa mambaen sasudena i!

JEREMIA 5:24

Nada unjung diingot hamu laho pasangapkon Au, hape Au do nian na manongos udan, mamungka sian bona ni ari nonat lopus tu ujungna; laing Au muse do na mangalehen masa ni sabion di hamu ganop taon.

DANIEL 4:2

Por do rohangku paboahon tu hamu taringot tu tanda dohot hahomangan na nipatupa ni Debata Na Gumincat i tu au.

HAMALIMON 26:4

Huparo pe udan di hatihana, gabe dilehen tano i ma suhana jana marbatu ma hayu na nisuanmunu.

MALEAKI 1:11

Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”

BAENON NI ANGKA RASUL 14:17

Tapi nada lupa Ia mangalehen angka bukti taringot tu diriNia, markite-hite na mambaen na denggan. Dilehen Ia do udan tu hamu sian langit i dohot suha ni tano marguru tu hatihana. Dilehen Ia do balanjo di hamu jana dipasonang Ia do rohamunu.”

HALUMBAAN 22:1

Dipatidahon surusuruan i muse dope tu au batang aek na lan sajo songon kristal jana mangalehen ngolu do aekna i. Sian habangsa ni Debata do mardalan batang aek i dohot sian Anak Ni Biri-biri i,

RUT 1:6

Dung adong sadia lolot dibege si Naomi ma na dung mamasumasu Tuhan tu bangsoNa marhite suha ni panen na denggan. Jadi hara ni i gabe disangkaphon si Naomi ma laho kehe rap dohot parumaennia na dua i manadingkon Moab.