MASMUR 65:8 - BIBEL JAMITA NA DENGGAN

⁸ Sude pangisi ni portibi on mabiar jana mangalehen sangap paida-ida pambaenanMu na santak. Sude jolma di na satano on, dibaen Ho marsurak marmoga-moga.

MASMUR 65:8 ပူးပေါင်းရင်းမြစ်များ

PAMUNGKAAN 8:22

Salolot adong tano on, tongtong ma masa suanon dohot sabion, ari ngali dohot ari las, logo ni ari dohot nonat, arian dohot borngin.”

JOB 38:12

O Job, unjung ma he disuru ho anso ro ari manyogot? Jana dibaen ho tingki gabe arian?

MASMUR 107:29

Halisungsung na gasa-gasaon dipahohom Ia, angka ombak pe gabe demak.

MASMUR 126:2

Sai torus do hita martata jana marende marjop ni roha gabe jabat dipardokkoni angka bangso na asing, “Godang ma tutu na nipatupa ni Tuhan tu halahi!”

MASMUR 135:9

Bahat dibaen Ia hahomangan dohot tanda laho manguhum raja ni Mesir dohot sude pagawena.

MASMUR 136:8

mataniari laho mangarajai arian, hot do holong ni rohaNia sapanjangna;

MASMUR 148:3

Puji ma Ia, o mataniari dohot bulan, puji ma Ia, ale angka bintang na humirlap-hirlap.

MASMUR 19:5

manyogot i bincar ia songon pangoli na martua, songon pahlawan na giot mardalani.

MASMUR 2:8

Pangido ma, gabe sandok bangso ma lehenonKu, lopus sude portibi on gabe nampunamu.

MASMUR 65:13

Mamontar padang i dibaen biri-biri, angka rura pe ditutupi masa ni na manyabi. Sude marsurak marjop ni roha, jana marende marmoga-moga.

MASMUR 66:3

Dok ma tu Debata, “Hahomangan godang do antong pambaenanMu!” Tunduk tu Ho angka musu jabat bajoraon, hara ni godang ni kuasoMu.

MASMUR 74:16

Ditompa Ho do arian dohot borngin, ditontuhon Ho do inganan ni bulan dohot mataniari.

MASMUR 89:10

Rahab naga laut i dibunu jana diropukkon Ho, ditaluhon Ho musumu marhite tangan na gogo.

JESAYA 17:13

Ro ma halahi songon ombak na margulung-gulung. Tapi dipaingot Tuhan ma halahi, gabe sumurut ma halahi, dihais songon abuan di lereng ni tor sanga songon guapak diombus haba-haba.

PANGARATAION 4:19

Ulang jabat mardosa hamu hara ni na marsomba jana mangoloi tu sanga aha na niidamunu di langit, i ma mataniari, bulan dohot angka bintang. Dipadiar Tuhan Debatamunu do anggo angka bangso na asing manyomba angka i.

HALUMBAAN 11:13

Jadi ro ma lalo na gogo hatiha i di tano on. Maronco ma saparsampulu ni kota i jana mate ma dibunu lalo i pitu ribu halak. Angka halak na asing i na so mate dibunu lalo i, gabe mabiar situtu ma; jadi gabe dipuji halahi ma hagodangan ni Debata di banua ginjang i.