MASMUR 65:5 - BIBEL JAMITA NA DENGGAN

⁵ Dialusi Ho do hami marhite na mangalehen hamonangan di hami na sian karejoMu na godang i, ale Debata, haluaannami! Ho do da arop ni roha ni angka bangso sanga na di dia pe i di tano on.

MASMUR 65:5 ပူးပေါင်းရင်းမြစ်များ

MASMUR 107:23

Adong muse ma i na markapal manaripari laut, manjalahi hangoluan marhite boniaga tu laut na bidang.

MASMUR 145:17

Tigor do Tuhan i di sude tindakanNa, gok holong ni roha do Ia di sude na nibaenNa.

MASMUR 22:27

Ingoton ni sude bangso ma Tuhan, sian desa na walu halahi marroan, sude horong ni bangso mulak ma tuSia, lalu marsomba tuSia.

MASMUR 36:9

Ho do mual haroroan ni ngolu di sude na adong, di bagasan sinondangMu hami ida na torang.

MASMUR 45:4

Maju ma da mardongan sahala manuju habonggalan marayakkon hajojongjong ni hatigoran dohot uhum. Gogo ni raja i ma da padumpangkon hamonangan na marbungaran.

MASMUR 66:3

Dok ma tu Debata, “Hahomangan godang do antong pambaenanMu!” Tunduk tu Ho angka musu jabat bajoraon, hara ni godang ni kuasoMu.

MASMUR 84:5

Martua ma halak na dapotan gogo sian Ho, jana na dihalungunkon rohana jiara tu Dolok Sion.

MASMUR 85:4

Marpangulahi ma rohaMu mida hami, ale Debata sipalua hami, ulang be muruk Ho tu hami.

JESAYA 37:36

Laing di borngin i, ro ma Surusuruan ni Tuhan tu parundung-undungan ni halak Asur i jana dibunu ma 185.000 halak parajuritna. Ancogotna i manyogot-nyogot, marampar ma angka bangkena i.

JESAYA 45:22

O hamu sude na mangingani portibi; sasada Au do da Debata. Saonnari marbalik ma hamu tu Au, anso dipalua hamu.

JESAYA 51:5

Di bagasan sangkidop mata mandonok ma haluaan na sian Au, ro ne ma haluaan na Hulehen, jana markite kuaso ni tanganKu, parentaonKu ma sude angka bangso; tu Au noma pulo-pulo paintehon. Pambaenan ni tanganKu do diarop roha ni halahi.

JESAYA 60:5

Marnida i gabe longang jana minar bohimu, gok andoramu hara ni jop ni rohamu. Sinadongan ni angka bangso dioban tu jolomu, mabaor taripar laut manggohi haporluanmu.

JESAYA 66:19

jana botoon ni halahi ma Au do na manguhumi halahi. Tapi adong do saotik sian halahi na giot paluaonKu. SuruonKu ma halahi mandapotkon angka bangso di luat angka na dao na so jungada dope umbege salaho tu Au sanga marnida hagodangan dohot kuasongKu: Tu Spanyol, Libia, tu Lidia mardongan angka parsior na malo, tu Tubal dohot Junani. Baritahonon ni halahi ma hagodanganKu di tonga-tonga ni angka bangso i.

ZEPANYA 2:11

Mabiar ma halahi baenon ni Tuhan. PatoruhonNia ma sahala ni angka debata na di tano on lopus nada adong be arga ni i sude. Jadi gabe marsomba tu Tuhan noma sandok bangso, di tanona sandiri be.

HAGAI 2:23

Di ari i, ale Zerubabel, naposongKu, angkatonKu ma ho laho mamarenta markite-hite goarKu. Angke ho do na Hupili.” Madung didok Tuhan Na Markuaso i songon i.

ZAKARIA 9:10

Didok Tuhan ma, “Angka kareta na sian Efraim, ambungkononKu noma i, sandok kudo na di Jerusalem, abiskononKu noma i jana sude sior ponggolanKu noma i. Baenon ni rajami ma pardamean ni angka bangso. Sian laut na sada tu laut na asing ia noma markuaso. Sian Batang aek Efrat lopus tu ujung ni tano.”

SURAT NI SI PAULUS TU PARLAGUTAN ROM 2:5

Tapi hara ni jogal ni rohamu na so ra muba, ditamba ho do rimas tu dirimu sandiri di ari haririmas dohot hapataran ni uhuman ni Debata na tigor i.

PANGARATAION 10:21

Puji ma Ia – Ia do Debatamunu. Diida matamunu sandiri do angka pambaenan na godang jana hahomangan na nibaenNia hara ni hamu.

PANGARATAION 4:34

Jungada ma he adong sada debata na puluk mambuat sada bangso sian bangso na asing lalu mambaen halahi bangsonia sandiri, songon na nibaen ni Tuhan Debatamunu di hamu di Mesir? Diida hamu sandiri do sanga songon dia godang ni hagogoon ni Debata parohon parmaraan dohot porang, mambaen angka hahomangan dohot patuluskon angka pangalaho na jorbut.

HALUMBAAN 16:5

Hubege ma surusuruan na mangarajai aek mandok, “Na tigor do Ho, na adong saonnari, jana na adong hian, jana na badia do Ho, na dung mandabuhon uhuman on.