MASMUR 64:7 - BIBEL JAMITA NA DENGGAN

⁷ Hape ditembakkon Debata do panaNia tu halahi, jana manigor mabugang ma halahi.

MASMUR 64:7 ပူးပေါင်းရင်းမြစ်များ

1 RAJA-RAJA 22:34

Tapi na so pola pamotoanna hian, adong ma sahalak tentara Siria i paluahon anak ni panania, na manombus baju porang ni si Ahab topet di parsambunganna i gabe margasa ma ia dibaensa, “Ma hona au!” ning si Ahab manggora na maroban karetania i. “Putar, oban ma au ruar sian parporangan on!”

JOB 6:4

Hona tombus ni anak ni pana do pamatangku dibaen Pargogo Na Sumurung i. Manyarira rasunna i tu sude pamatang i. Na sun jebu ni Debata tarlobi sogen sihabiaran, jana manjombai iba songon dia ma parro ni musu marparangan.

MASMUR 18:14

Dipalua Ia panaNia, musu i pe kehe gumadobur, maporus halahi hatiha manyoro ronggur.

MASMUR 64:4

Di na buni didabuhon halahi do goar ni halak na daulat; ompot na so pamotoan, so pola umboto hahaila, ditilakoi halahi ma ia lopus soada.

MASMUR 73:19

Maronco halahi di bagasan sangkinidop mata, jorbut ma da hasidunganna.

PODA 29:1

Sanga ise na manangkang muda dipaingot, di sada hatiha gabe maropuk jana nada be tarpauli.

PODA 6:15

Hara ni parbuatanna i, ompot ma dondonan ni parmaraan halahi gabe mate ma halahi.

PARJAMITA 9:3

Jadi, sarupa do bagian na mandondoni halahi sudena. Nada tigor songon i laing songon sude na masa na di tano on. Salolot di ngolu ni jolma i gok hajungkaton do rohana jana pikiranna pe gok haotoon do. Dung i tompu ma ro ajalna.

JESAYA 30:13

Hara ni i marsala do hamu. Tarsongon tembok na gincat do hamu na matapor sian ginjang lalu tu toru; tompu noma hamu maronco.

JEREMIA 17:9

Nada tardodo anggo roha ni jolma umbisuk do i sian sasudena jana sun antong jahatna.

MATEUS 24:40

Di hatiha i adong ma dua halak markarejo di saba: Sahalak dioban, na sahalak nari ditinggalkon.

PANGARATAION 32:23

Nada mantak Huparo mara Hupake siorKu mangalosa.

PANGARATAION 32:42

Margulu podangKu sap mudar ni halahi hona bunu ni podangKu sude na mangalo i. Nada paluaonKu hosa ni alo-alongki mate muse do na margasa dohot na tartaban i.