MASMUR 64:4 - BIBEL JAMITA NA DENGGAN

⁴ Di na buni didabuhon halahi do goar ni halak na daulat; ompot na so pamotoan, so pola umboto hahaila, ditilakoi halahi ma ia lopus soada.

MASMUR 64:4 ပူးပေါင်းရင်းမြစ်များ

2 SAMUEL 15:14

Dung i didok si Daud ma tu sude naposonia na adong di Jerusalem, “Beta mangungsi hita. Sada on noma dalan anso malua hita sian si Absalom. Ro ne ma ia. Ompoti be ma anso ulang sanga dapot ia hita, jana ditaluhon dohot podang, gabe hona bunu lalu sude halak kota on!”

NEHEMIA 4:11

Di hatiha i ditahi roha ni angka musunami i ma laho mangaroro hami tompu, lalu mamatehon hami anso gabe mantak karejonami i.

MASMUR 11:2

Angke halak na jahat manyintak sior lalu pamasukkon anakna. Di na golap ia marmetar tu halak na bulus marroha.

MASMUR 55:19

Debata na mamarenta sian narobi, tangihononNia do au jana taluhononNa halahi. Angke nada ra halahi porsaya, jana nada mabiar tu Debata.

MASMUR 55:22

Pasahat ma holos ni rohamu tu Tuhan, jadi pargogoanNia ma ho, angke nada unjung Ia padiarkon halak na tigor ditaluhon.

MASMUR 57:5

Ale Debata, patuduhon ma hagodanganMu di langit an, dohot hasangapanMu di portibi on.

MASMUR 64:7

Hape ditembakkon Debata do panaNia tu halahi, jana manigor mabugang ma halahi.

HABAKUK 3:14

Mangkatombuk dibaen angka siorMu na mamimpin parangan ni musu, di na ro paranganna i songon gogo ni halingsungsung, anso masarsar nian hami dibaen. Martata ma halahi marsonang-sonang laho mamparkanciti halak na marhahurangan.

JOHANNES 19:6

Dung diida angka kapala ni malim dohot angka panjago i Jesus, marsurak ma halahi, “Parsilangkon i! Parsilangkon i!” ning halahi. Ninna si Latus ma mandok halahi, “Hamu ma mambuat dohot mamparsilangkonsa. Anggo au nada adong dapot au bagi na aha salaNia.”

1 SAMUEL 18:11

“Hupantikkon ma si Daud on tu dinding i!” ning rohania, lalu dipantomkon ia tombak i jabat dua noli tu si Daud, tapi sai tarciletkon si Daud antong.

1 SAMUEL 19:10

Giot dipantomkon si Saul ma si Daud tu dingding i dohot tombakna i. Tapi marhusor ma si Daud, gabe pantik ma tombak i tu dingding i. Marlojong ma si Daud palua dirina.