MASMUR 63:8 - BIBEL JAMITA NA DENGGAN

⁸ Hutiop Ho togu, malua au hara ni hagogoon ni tanganMu.

MASMUR 63:8 ပူးပေါင်းရင်းမြစ်များ

2 JUJUR TAON 31:21

Marhasil do ia hara ni sude na nibaennia tu Bagas Ni Debata sanga na nibaennia laho mangoloi Tona Ni Tuhan, dibaen ia do sian situtu ni rohania hara ni holong ni rohania tu Tuhan Debatania.

MASMUR 18:35

Tuhan, Ho do na mandongani au dohot na paluahon au, jana tangan siamunMu do na manogu-nogu au, hara ni kuasoMu gabe marsangap au.

MASMUR 37:24

Muda tinggang pe ia, nada jabat poran bugangnia, angke digolom Tuhan do tangannia.

MASMUR 41:12

Diurupi Ho do au hara ni bulus ni rohangku, jana dibaen Ho au mangolu rap dohot Ho sapanjangna.

MASMUR 73:23

Hape laing donok do au di lambungMu, ditiop Ho do tangan siamunku.

MASMUR 73:25

Ise dope he di au di banua ginjang i anggo nada Ho? Nada adong por ni rohangku di tano on asing sian Ho.

MASMUR 94:18

Di na marpikir au, na giot madabu noma au, holong ni rohaMu na manongtong i ma na mambaen au jongjong togu.

ENDE NA GODANG 2:6

Tanganna siambirang manggolom ulungku, tangan siamunna ma manghaol-haol pamatangku.

ENDE NA GODANG 3:2

Ngot au, lalu hubolusi kota manjalahi, hujujur sude dalan dohot lorong. Hujalahi haholonganki, hape nada dapot au.

JESAYA 26:9

Muda borngin, sai Ho do dihalungunkon rohangku. Di manyogot pe, Ho do dihalungunkon tondingku. Muda manguhumi Ho sanoli on, tandaon ni na mangingani tano on ma hatigoranMu.

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

JESAYA 42:1

“Ligi, indu do naposongKu na Hutiop, naposo todoan ni rohangKu, lomo do rohangKu disia. Madung Hulehen kuasongKu tusia, laho maroban hatigoran tu angka bangso sudena.

MATEUS 11:12

Sian na mamungka si Johannes marjamita lalu tu sadari on, matua dialo halak do Harajaan Ni Banua Ginjang i jana giot manggomgomisa.

LUKAS 13:24

“Angkon usahahononmunu do masuk mamolus sian pintu na sompit. Angke ingot hamu ma! Bahat do halak na marusaho giot masuk mamolus pintu i tapi nada tarbaensa.

KOLOSSE 1:29

Hugogoi do markarejo anso lalu tu tujuan i. Marjuang do au mamake sude gogo na nipasahat ni Kristus di au jana na markarejo di bagasan diringku.