MASMUR 63:5 - BIBEL JAMITA NA DENGGAN

⁵ Pujionku do Ho marhite angka ende na riang-riang, dibaen dipasombu Ho rohangku songon na mangankon sipanganon na tabo.

MASMUR 63:5 ပူးပေါင်းရင်းမြစ်များ

MASMUR 104:33

Giot marendei do au di Tuhan salolot ni ngolungku, mamuji-muji au di Debatangku sapanjang au mangolu.

MASMUR 104:34

Sai tumbuk nian endengki di rohaNia angke Ia do mambaen rohangku marmoga-moga.

MASMUR 134:2

Angkat ma tanganmunu adop inganan na badia, jana puji ma Tuhan!

MASMUR 135:3

Puji ma Tuhan, angke na denggan do Ia, puji ma goarNia, dibaen na basa do rohaNia.

MASMUR 17:15

Tapi di bagasan hatigoran do, giot tataponku bohimu. Muda dung ngot au rap dohot Ho mambaen jop rohangku.

MASMUR 43:4

Jadi dapotkononku ma langgatanMu ale Debata, Ho sajo ma i mual ni hatuaanku. Marende ma au jana mamiltik hasapi, papuji-puji Ho, ale Debatangku, ale Debatangku.

MASMUR 65:4

Martua do sanga ise na nitodoMu, jana na nipiohonMu anso maringanan di alamanMu. Butongan ma hami dohot angka na denggan i, di BagasMu, di parmiananMu na badia i.

MASMUR 71:23

Marsurak-surak ma au mardongan gok jop ni roha, di na mangendehon puji-pujian au di Ho. Marmoga-moga do pamatang dohot tondingku marendei, hara ni na dung nipaluaMu au.

MASMUR 96:6

Hasangapan dohot hamuliaan manggohi Ia, kuaso dohot hajagaron manggohi BagasNia.

ENDE NA GODANG 1:4

Oban ma au, marlojong ma hita; piohon ma au tu bilik ni raja. Marjob ni roha ma hami hara ni ho, jana na mamuji holongmu lumobi sian anggur. Patut do muda sude dadaboru por rohana mida ho!

JESAYA 25:6

Di Dolok Sion, dihobasi Tuhan Na Markuaso i ma pesta di sude bangso na di tano on. Rade ma dibaen angka sipanganon na tumabo dohot anggur pilian.

JEREMIA 31:4

PadengganonKu ma mangulahi parngoluonmunu. Sanoli nari buatonmunu ma rapano jana manortor ma hamu marjop ni roha.