MASMUR 63:1 - BIBEL JAMITA NA DENGGAN

¹ Ale Debata, Ho do Debatangku hujalahi jana huhalungunkon do Ho. Songon tano gariang na mahiang na manguas di aek, songon i ma tondingku manguas di Ho.

MASMUR 63:1 ပူးပေါင်းရင်းမြစ်များ

2 SAMUEL 15:28

Paintehon ma au di lambung ni angka panariparan ni aek na di halongonan i lopus hujagit barita sian hamu.”

1 JUJUR TAON 16:14

Ia ma da Tuhan, Debatanta. Dilingkup kuasoNia do portibi on sudena.

JOB 8:5

Tapi muda tuSia do ho marsilaung, mangido ibo ni roha jana mangido ampun.

MASMUR 118:28

Ho do Debatangku, mandok tarimakasi au tu Ho, Debatangku, hupagodang do Ho.

MASMUR 119:81

Malungun situtu do rohangku di haluaan na sian Ho, ale Tuhan, janjiMu do na huhaposi.

MASMUR 143:10

Ajari ma au patuluskon hagiot ni rohaMu angke Ho do Debatangku. Sai ditogu TondiMu na burju i ma au di dalan na hornop.

MASMUR 143:6

Martangiang au tu Ho dohot pahortang tangan; songon tano na hiang, tondingku manghalungunkon Ho.

MASMUR 31:14

Tapi anggo au, laing tu Ho do ale Tuhan pos ni rohangku, angke Ho do antong Debatangku.

MASMUR 42:11

Biasi marsak jana susa ho rohangku? Tu Debata noma au mararop roha, jana mandok tarimakasi mangulahi tuSia, tu Debatangku jana Sipalua di au.

MASMUR 5:3

O Tuhan, pangidoanku tu Ho muda manyogot sai tangihon ma tangiangku, di na maroban haul au tarpainte do au Tuhan di alusMu.

MASMUR 78:34

Ganop dibunu Ia sanga na piga halak sian halahi, manyosal ma na asing i jana marsitutu tuSia mangulahi.

MASMUR 84:2

Sai na malungun situtu do rohangku mida ingananMu; sai marsurak do pamatang dohot tondingku pio-pio tu Debata na mangolu.

MASMUR 91:2

tola ma dokkononna tu Tuhan, “Ho noma pangondianku dohot parlindunganku. Debatangku, haposan ni rohangku.”

HARURUAR 15:2

Tuhan do na gogo mangondihon au sasadaSa do na dung paluahon au. Ia do Debatangku, pujionku ma Ia, Debata ni daompung, huendehon ma hagodanganNa.

HARURUAR 17:3

Tapi sun do nguas ni angka jolma i jana sai torus do halahi marungut-ungut tu si Musa. Ninna halahi ma, “Biasi dioban ho hami haruar sian Mesir? Giot padiaronmu ma hami, dohot angka dakdanaknami maradu pahan-pahanannami mate manguas?”

PODA 8:17

Huhaholongi do na marholong ni roha di au; na manjalahi au, gabe dapot ia do au.

ENDE NA GODANG 5:8

Hamu angka boru Jerusalem, hupasumpa ma hamu, muda marsuo hamu dohot haholonganku, paboa ma tusia, na marnyae roha do au patunda ni holong ni roha.

JESAYA 32:2

Tarsongon inganan parondingan sian alogo jana songon parlinggoman sian bade. Tudos tu batang aek na mardalan di parhorsihan do halahi, songon batu mamak na godang parsilaungan di tano na harsang.

JESAYA 35:7

Pasir na milas gabe ambar, tano na harsang aekna marjabar-jabar. Na somal inganan ni anjing harangan, gabe hatubuan ni duhut dohot pandan.

JESAYA 41:18

Di angka dolok na gundul Hubaen mardalan batang aek, di tano napa marbuldak-buldak ma mual ni aek. Hubaen gabe ambar, angka padang gariang hian, mamincar ma aek sian tano na marigang.

JEREMIA 31:1

Didok Tuhan ma, “Dapot do i hatihana gabe Au Debata ni sude marga ni Israel, jana halahi gabe bangsongKu.

JEREMIA 31:33

On ma parjanjian na imbaru na giot baenonKu dohot halahi: BaenonKu ma angka aturanKu tu bagasan roha ni halahi, jana suratkononKu di ate-ate ni halahi. Au ma gabe Debata ni halahi, jana halahi gabe bangsongKu.

HOSEA 5:15

Angkon kehe do Au mulak tu ingananKu, lopus mangoku sala halahi jana manjalahi Au. Di bagasan pardangolan ni halahi gabe malungun halahi tu Au.”

ZAKARIA 13:9

Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”

MATEUS 12:43

“Muda ditadingkon tondi na hodar pamatang ni sada halak, mardalani ma tondi i manjalahi inganan na mahiang laho maradian. Tapi nada adong dapot ia paradianan.

MATEUS 6:33

Sai jumolo ma jalahi hamu Harajaan Ni Debata dohot hatigoranNa, jadi lehenonNia ma di hamu sasude na songon i.

JOHANNES 20:17

Didok Jesus ma tu si Maria, “Ulang jama Au jolo, harana nada podo manaek Au tu Damang. Kehe ma ho mandapotkon angka kahanggingKu jana paboa ma tu halahi, ‘Manaek ma Au tu Damang, i ma Amangmunu muse; tu DebatangKu, i ma Debatamunu muse.’ ”

JOHANNES 7:37

Ari na parpudi di pesta i, i ma mata ni pesta i. Jongjong ma Jesus disi mandok hata marsora na gogo, ning Ia ma, “Sanga ise na manguas, tu Au ma ro anso minum.

1 SAMUEL 22:5

Sanoli adong ma sada panurirang na margoar si Gad ro mandapotkon si Daud mandok, “Ulang ho di liang on be, ompoti ma kehe manigor tu Juda.” Jadi kehe ma si Daud sian i jana masuk ma ia tu harangan Keret.