MASMUR 62:9 - BIBEL JAMITA NA DENGGAN

⁹ Anggo jolma sangombus hosa do i na godang sanga na menek rap na so mararga do i. Muda nitimbang, tardapot ma halahi na nayang, numayang sian sangombus hosa.

MASMUR 62:9 ပူးပေါင်းရင်းမြစ်များ

2 SAMUEL 15:31

Di na dipaboa tu si Daud na dohot muse si Ahitofel rap dohot si Absalom, martangiang ma si Daud, songon on, “O ale Tuhan, sugari disundati Ho ma nian sipaingot ni si Ahitofel!”

2 SAMUEL 15:6

Sai songon i ma dibaen si Absalom tu ganop halak Israel na giot mambaen parkarona tu raja i, jana songon i ma dibaen si Absalom laho mambuat roha ni halak Israel.

2 RAJA-RAJA 19:14

Dijagit si Hiskia ma surat i sian na nisurunia i, disise ia ma. Dung i kehe ma ia tu Bagas Ni Debata jana dipatalak ia ma surat i di adopan ni Tuhan.

MASMUR 116:11

haru pe huambang di bagasan puntol ni pikiranku, “Sahalak pe nada adong haposan ni roha.”

MASMUR 118:9

Gumonan do iba marpos ni roha tu Tuhan, umpado mangasahon na mora-mora.

MASMUR 142:3

Di hatiha mandele rohangku diboto Ho do sanga aha noma na angkon baenonku. Di dalan na angkon sibolusonki ditaon musu i do jorat di na buni maradopkon au.

MASMUR 39:11

Diuhum Ho do jolma jana diajar Ho hara ni hasalaanna do. Songon ngitngit, dilantuk Ho sanga aha hagiotna. Tutu ma da, hum songon sangombus hosa do jolma.

MASMUR 39:5

Pendek na i hape ditontuhon Ho umurku! Nada adong arti ni lolot ni ngolungki di adopanMu. Tontu ma da, hum songon sangombus hosa do jolma,

MASMUR 46:2

Gabe nada mabiar hita, haru pe humutur portibi on, dohot angka dolok marbonoman tu tandolan ni laut.

MASMUR 71:7

Gabe tiruan na denggan do ngolungku di halak na bahat, angke Ho do antong pangondianku na gogo.

JESAYA 26:4

Sai haporsayai ma tongtong Tuhan, harana Tuhan Debata do dolok batu na manongtong.

JESAYA 40:15

Anggo satutuna angka bangso, songon santetek aek do i di bagasan timba; songon sangkibung abu di timbangan. Anggo satutuna songon abuan do borat ni angka pulo.

JESAYA 40:17

Sandok bangso nada bagia aha dope i diSia, nada lobi sian na rumar soada.

DANIEL 5:27

Tekel; astuanna madung ditimbang raja i jana dapot ma na panayangtu.

MATEUS 21:9

Mamungka ma marsurahi halak na mardalan di jolo dohot na di pudi ni Jesus. Ninna halahi ma, “Hosana ma di Anak Ni si Daud! Dipasupasu ma Ia na ro di bagasan goar ni Tuhan! Puji ma Debata Na Gumincat i!”

JOHANNES 19:15

Marsurak-surak ma halahi, ninna halahi, “Bunu ma i! Bunu ma! Parsilangkon i!” Dung i ninna si Latus ma mandok tu halahi, “Parsilangkononku ma he Rajamunu?” Dialusi angka kapala ni malim i ma, “Hum sasada Kesar i do rajanami!”

SURAT NI SI PAULUS TU PARLAGUTAN ROM 3:4

Dao ma i! Angke anggo Debata sai sintong do tongtong, haru pe pargabus sude jolma. Songon na tarsurat i, “Anso tutu Ho tigor di bagasan angka hataMu, jana monang muda diuhumi Ho.”

1 SAMUEL 1:15

Tapi dialusi si Hanna ma, “Nada na mabuk au da amang, nada adong minum anggur au! Na marsak situtu do au, tapi na martangiang do au paboahon pardangolanku tu Tuhan.

1 SAMUEL 18:5

Sai monang do si Daud marporang sanga na tu dia pe disuru si Saul ia kehe. Jadi hara ni i diangkat si Saul ma ia gabe pamimpin ni tentarana jana jop do roha ni sude parangan maradu angka hatoban ni si Saul mida si Daud.

1 SAMUEL 18:7

Lalu marmoga-moga laing marendei ma angka anakboru i songon on, “Si Saul mamunu marribu-ribu musu, tapi si Daud mamunu marpulu ribu.”