MASMUR 62:4 - BIBEL JAMITA NA DENGGAN

⁴ Hum na giot mandabuhon ia do halahi sian pangkatna na timbo; jop do roha ni halahi margabus; markite-hite pamangan halahi mamasumasu, tapi mamurai do halahi di bagasan roha.

MASMUR 62:4 ပူးပေါင်းရင်းမြစ်များ

MASMUR 119:163

Huhagigihon do sude gabus, tapi huhaholongi do TonaMu.

MASMUR 28:3

Ulang uhumi au rap dohot halak na durako, rap dohot halak sibaen hajahatan na so labo. Tabo-tabo do begeon hatana manarik tu roha, hape gok hagigian do anggo di ate-atena.

MASMUR 5:9

Nada haposan anggo hata ni musungku; giot ni halahi, sai mago ma nian au. Tabo do begeon hata na nidok ni halahi, hape anggo roha ni halahi hum na giot manjahati.

MASMUR 51:6

Haiason dohot habulusan ni roha do dipangido Ho, gohi ma rohangku dohot habisuhonMu.

MASMUR 52:3

Humolong do rohamu di hajahatan ulang di hadengganan, dohot gabus ulang pado hasintongan.

MASMUR 55:21

Lambok ni hatania mangapus pusu-pusu, hape rohania gok hagigian. Pangkataina maradu lambok, hape manorusi songon podang na tajom.

PODA 13:5

Halak na jujur nada dihagioti pargabuson, tapi pangalaho ni na jahat hahaila do dohot sigoraon.

JESAYA 30:13

Hara ni i marsala do hamu. Tarsongon tembok na gincat do hamu na matapor sian ginjang lalu tu toru; tompu noma hamu maronco.

HOSEA 7:3

Didok Tuhan ma, “Martahi ma angka jolma laho pasonangkon raja i dohot angka pagawena anso i dalanna paoto-otohon halahi.

MATEUS 2:16

Dung diboto si Herodes na dung dipaoto-oto ni parilmu bintang na sian Habincaran i ia, gabe muruk sajo ma ia. Diparuar ia ma parenta anso dibunu sude dakdanak halaklahi na marumur dua taon tu toru na adong di kota Betlehem dohot na humaliang i. Dipahombar ma i tu hatorangan na nitangkasannia sian angka parilmu bintang i.

MATEUS 22:15

Dung i kehe ma halak Parise i anso rap martahi manjalahi dalan sanga na bia baenon anso tardapot halahi Jesus di hasalaanna muda disapai halahi.

MATEUS 22:23

Laing di na sadari i, ro ma halak Saduse mandapotkon Jesus. Halahi ma na mandok, na so mulak mangolu halak na dung mate, jana disapai halahi ma Ia,

MATEUS 27:1

Dung torang arina i martahi ma sude angka Sintua Ni Malim dohot angka hatobangon ni halak Jahudi manontuhon sanga na bia baenon ni halahi mamunu Jesus.

LUKAS 11:39

Gabe didok Jesus ma tusia, “Tutu do i anggo halak Parise somal do dipaias hamu mangkuk dohot pingganmunu sian duru sajo tapi anggo di bagasan dirimunu sandiri gok dohot na nisamun dohot hajahatan do.

LUKAS 20:20

Jadi sai dijalahi halahi ma hatiha na denggan. Dilehen halahi ma hepeng sogok tu halak na gabe kaki tangan ni halahi jana disuru halahi ma angka kaki tangan i mangalancap songon halak na burju laho mangonjap Jesus markite-hite sapa-sapa, anso tarpasahat halahi Jesus tu toru ni kuaso ni gubernur.

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.

SURAT NI SI PAULUS TU PARLAGUTAN ROM 1:32

Diboto halahi do nian angkon mate hona uhum do halak na songon i mangihutkon uhum na sian Debata, tapi haru songon i pe laing dipambaeni halahi do pangalaho na songon i; jana jop muse do roha ni halahi muda adong sanga ise na mambaen songon i.

SURAT NI SI PAULUS TU PARLAGUTAN ROM 7:22

Anggo di bagasan, jop do rohangku adop Tona Ni Debata;

HALUMBAAN 22:15

Tapi sanga ise halak na mambaen habilean, angka na marhadatuon, angka halak na mambaen rorang, angka halak sibunu jolma, angka halak na marsomba gana-ganaan, dohot angka halak pargabus di hatana sanga markite-hite pambaenanna, di balian ni kota i do anggo inganan ni angka halak sisongon i.