MASMUR 62:1 - BIBEL JAMITA NA DENGGAN

¹ Hupainte Debata, di bagasan sada ni rohangku, hum sian Ia sajo do haluaanku.

MASMUR 62:1 ပူးပေါင်းရင်းမြစ်များ

1 JUJUR TAON 25:1

Laho mamimpin angka pardalan ni ibadat, dipili si Daud rap dohot angka pamimpin ni halak Levi ma sian angka horong ni halak Levi: Si Asap, si Heman dohot si Jedutun. Palalu angka tona na sian Debata ma tugas ni halahi, mardongan sora ni musik hasapi, gambus dohot simbal. Angka na mamimpin ibadat rap dohot sude pardalan na jojor mangihutkon rombonganna, dipili ma angka halak na nipajojor di toru on:

1 JUJUR TAON 25:3

Anak ni si Jedutun na onom i: Si Gedalia, si Zeri, si Jesaya, si Simei, si Hasabia dohot si Matica. Amang ni halahi i ma na mamimpin halahi pabolkaskon tona ni Debata didongani musik hasapi dohot angka ende puji-pujian dohot hatarimakasion tu Tuhan.

MASMUR 121:2

Sian Tuhan do ro anggo pangurupion di au, sian sitompa langit dohot tano.

MASMUR 123:2

Songon sada naposo na marguru di roha ni tuanna jana songon sada naposo dadaboru tu morana. Songon i ma hami marsigantung tu Ho, ale Tuhan Debatanami, lopus ibo rohaMu mida hami.

MASMUR 25:5

Ajari au mangolu hombar tu hagiot ni rohaMu, angke Ho do antong Debatangku; Ho do na palua au, sai tu Ho do mararop ni roha au.

MASMUR 27:14

Mararop roha tu Tuhan ma da, haporsayai ma, ulang padele roha. Tu Tuhan ma mararop roha.

MASMUR 33:20

Jadi mararop roha tu Tuhan noma hita, Ia do pangurupi dohot na mambela hita.

MASMUR 37:39

Dipalua Tuhan do halak na daulat jana diondihon do halahi di hamamasa ni hasusaan.

MASMUR 37:7

Pasonang ma rohamu paintehon Tuhan, sobar ma ho paima-imahon lopus dibaen Ia tindakan. Ulang mangiburu mida halak na mardohar, na mandapot hara ni na paoto-otohon.

MASMUR 39:1

Ning rohangku, “Manat-manat noma au di sibaenonku, jana nada be ra au mardosa di angka pandohanku. Nada ra au manghobari salolot donok halak parjahat i.”

MASMUR 40:1

Sobar do au paintehon pangurupi ni Tuhan; ditangihon jana diparrohahon Ia do pio-piongku.

MASMUR 62:2

Hum Ia do na mangondihon dohot na paluahon au, Ia do mambela au, nada taluhonon be au.

MASMUR 65:1

Patut ma da antong pujionnami Ho di Sion ale Debata laho manggohi janji na hami baen mardongan sumpa.

MASMUR 77:1

Gogo do sorangku pio-pio tu Debata, hupagogo sorangku pio-pio, jana ditangihon Ia do au.

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

JESAYA 30:18

Haru pe songon i, laing dipainte Tuhan dope hatihana laho patuduhon tu hamu ibo ni rohaNia. Rade do Ia laho maribo ni roha tu hamu, angke Tuhan i do Debata na tigor. Martua do na marpos ni roha tuSia.

JESAYA 40:31

Hape anggo di na mangido pangurupion sian Tuhan, dipasuang do hagogoan. Lopus tu ginjang manaek do halahi, songon na marhabongkon habong ni rajawali. Marlojongi do halahi so marnaloja, jana mardalan halahi nada ra gale.

JEREMIA 3:23

Nada adong gunana marsomba gana-ganaan hami di puncu ni angka dolok! Hum sian Tuhan Debatanami do pangurupion anggo tu Israel.

ANDUNG 3:25

Burju do Tuhan tu halak na mararop ni roha tuSia, dohot tu halak na jalak-jalak diSia.

ANDUNG 3:38

hara ni parentaNia sajo do mardalan na denggan sanga na jat.

JAKOBUS 5:7

Antong sobar ma hamu angka dongan lopus ro Tuhanta i. Ligi hamu ma sobar ni angka partani i paintehon lopus dilehen tanonia i suha na mararga disia. Sobar do ia paintehon udan di musim gugur dohot udan di musim bunga.