MASMUR 60:7 - BIBEL JAMITA NA DENGGAN

⁷ Au do nampuna Gilead dohot Manase, Efraim kupia bajangku jana Juda tungkot harajaonKu.

MASMUR 60:7 ပူးပေါင်းရင်းမြစ်များ

PAMUNGKAAN 49:10

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

1 JUJUR TAON 12:19

Adong ma deba parajurit na sian Marga Manase na marbalik mamihak tu si Daud di na marporang ia dohot halak Pilistin mangalo Raja Saul. Satutuna nian nada pola na niurupannia halak Pilistin i; na disuru ni halak Pilistin i do ia mulak tu Ziklag hara ni na mabiar halahi betak marbalik ia lalu tu pihak ni Raja Saul jana dihianati ia halahi.

MASMUR 108:7

Sian ingananNa na badia i Debata mandok, “Sian sonang ni roha tano Sikem Hubagi-bagi, Hubagihon Rura Sukot tu bangsongKi.

PANGARATAION 33:17

Gogo ni si Josep songon lombu harangan marribu pinompar ni si Manase, marpulu ribu pinompar ni si Efraim i ma tanduknia. Didogo ia angka bangso dionjar ia halahi lopus tu ujung ni tano.”

JOSUA 13:31

Masuk muse dope satonga sian tano Gilead, dohot Astarot dohot Edrei, i ma sidua kota sabungan ni luat na nirajaan ni Raja Og di Basan. Dilehen sude luat i tu satonga marga na sian pomparan ni si Makir anak ni si Manase.

JOSUA 17:1

Deba sian luat na di Hasundutan ni Batang aek Jordan dilehen tu sabagian marga-marga pomparan ni si Manase anak siangkaan ni si Josep. Si Makir ama ni si Gilead, ia ma anak siangkaan ni si Manase, na malo do ia marporang gabe dilehen ma disia Luat Gilead dohot Basan na di Habincaran ni Batang aek Jordan.

1 SAMUEL 28:2

Dialusi si Daud ma, “Tontu songon i ma antong i. Idaon ni tuan i sandiri ma i sanga aha na tarbaen au tu tuan i.” Dung i didok si Akhis ma, “Antong denggan! Huangkat ma ho gabe pangawalku.”