MASMUR 60:3 - BIBEL JAMITA NA DENGGAN

³ Dipadiar Ho do hami bangsoMon marnyae na so tartaon, songon halak na mabuk hami marambalan.

MASMUR 60:3 ပူးပေါင်းရင်းမြစ်များ

NEHEMIA 9:32

O Debata, Debatanami na gogo! Debata na godang jana na jorbut! Sai na setia do Ho maniop sumpa dohot janji, digohi Ho do sandok janjiMu jana dipatulus Ho do i. Mamungka sian na nipisat ni raja Asur hami, lopus saonnari, ma bahat pardangolan hami alami. Angka raja, malim, panurirang maradu hatobangonnaMi, bope ompu dohot rayat madung sude manaonkon i. Ulang halupahon sude na hancit i! Ulang nian agohon i sian parningotanMi!

MASMUR 71:20

Madung dipadondonkon Ho tu au bahat sitaonon na dokdok, hape dipasuang Ho do gogongku, jana disungguli Ho au sian tanoman.

MASMUR 75:8

Songon sada piala di tanganNia do hamuruhan ni Tuhan piala na marisi anggur na koras. Diduruskon Ia ma isi ni piala i sude ma parjahat na di tano on angkon manginumsa lopus abis.

MASMUR 80:4

Ale Tuhan Debata Na Markuaso, intap ni andigan do Ho muruk, haru pe martangiang bangsoMu?

MASMUR 80:8

Songon bona ni anggur do bangsoMu, na nipaimbarMu sian Mesir. Dipaorot Ho angka bangso na asing gabe disuan Ho anggur i di tano ni halahi.

MASMUR 85:5

Matua muruhanMu noma hami lakna? Na so mantak be he rimasMu rupana?

MASMUR 89:39

Sundat dibaen Ho parjanjianMu dohot naposoMu, diambungkon Ho tukuna i tu bagasan bustak.

JESAYA 51:17

Jonggor ma, jonggor ma, ngot ma, ale Jerusalem, ale ho na dung minum sian tangan ni Tuhan. Isi ni piala i ma milas ni murukNia, ho do na dung manginum, mandorguk abis isi ni mangkuk na palenongkon i.

JESAYA 51:22

Songon i ma pandok ni Tuhanmu, Debata na mangondihon hamu, “Mangulahi Hubuat sian hamu, mangkuk dohot isi na palenongkon, jana isi ni mangkuk hamilason ni murukKu, indangkon inumon munu be i.

JEREMIA 25:15

Didok Tuhan, Debata ni Israel ma tu au, “Buat ma galas ni anggur on na dung Hugohi dohot hamumurukKu. Oban ma i tu sude bangso sanga na tu dia ho Husuru. Suru inum ma anggur on tu halahi;

ANDUNG 4:21

Ale bangso Edom dohot Us martata be ma hamu, salolot habolasan, marmoga-moga ma hamu! Tu ho pe giot ro muse do parmaraan; lenong ma hamu marbuka pakean.

DANIEL 9:12

Tigor do pambaenanMu laing songon na nijanjihonMu tu hami dohot tu angka na markuaso di hami. Umposi do uhumMu tu Jerusalem martimbangkon angka kota na adong di tano on.

HABAKUK 2:16

Saonnari geleranmu noma pailaon, jana nada na giot dipasangap. Muba ma hasangapanmu gabe habilean. Paksaon ni Tuhan noma ho minum sian panginuman na marisi uhuman. Minum ma ho lopus mabuk jana lenong-lenong.

HALUMBAAN 16:19

Dung i mabola ma kota na godang i gabe tolu bagian; jana marrumpahan ma angka kota ni halak na so mananda Debata. Jadi gabe taringot ma Debata tu kota Babel na godang i, giot lehenon ma tusia panginuman na gok anggur haririmas dohot hamumurukNia.

HALUMBAAN 18:16

Jana didokkon halahi ma, “Marjaya, marjaya ma kota na godang i, na marpakean linen na alus, dohot abit ungu dohot abit na rara, na nitabur dohot sere dohot batu intan dohot simata!