MASMUR 60:2 - BIBEL JAMITA NA DENGGAN

² Humutur do dibaen Ho tano on lopus gabe marotak, padoMu ma na mangkahoping i, angke meol-eol tano on.

MASMUR 60:2 ပူးပေါင်းရင်းမြစ်များ

2 SAMUEL 22:8

Humuntal tano jana humutur, ojahan ni langit pe humusor jana marputar dibaen topet hatiha muruk Debata marpiar-piar parmurukNa.

2 SAMUEL 8:1

Dung adong sanga sadia honok dialo Raja Daud ma mangulahi halak Pilistin. Ditaluhon ia ma halahi jana dirampas tanona i.

1 JUJUR TAON 18:12

Di Rura na Ancim, talu do halak Edom dibaen si Abisai tubu ni na margoar si Zeruya. Dibunu si Abisai disi salapan bolas ribu halak Edom.

1 JUJUR TAON 18:3

Dung i diserang si Daud muse ma si Hadadeser raja ni Zoba di lambung ni Luat Hamat na di tano Siria. Di pardalananna do hatiha i si Hadadeser laho pabidangkon kuasonia di luat na di lambung ni soksok ni Batang aek Efrat.

1 JUJUR TAON 18:5

Di na ro tentara na dikirim ni halak Siria laho mangurupi Raja Hadadeser, dialo si Daud ma halahi jana dimatehon 22.000 halak.

2 JUJUR TAON 7:14

dung i dipatoruk halahi roha ni halahi martangiang tu Au jana ditadingkon halahi pambaenanna na jahat i, jadi gabe tangihononKu ma tangiang ni halahi sian banua ginjang; ampunanKu ma angka dosa ni halahi jana baenonKu makmur mangulahi tano ni halahi i.

JOB 5:18

Angke Debata do mambaen marhancit, Ia muse do na mangubati, jana tanganNia do mamukuli, laing songon i na pasuang mangulahi.

JOB 9:6

Dibaen Ia lalo lopus gumuncang portibi, jana marambalangan ma panungkol ni tano i.

MASMUR 104:32

Ditatap Ia tu tano on jana humitir ma i dibaen Ia, digoit Ia angka dolok gabe ruar ma timusna.

MASMUR 114:7

Ale portibi, humutur ma di adopan ni Tuhan di adopan ni Debata ni si Jakob.

MASMUR 18:7

Dung i humutur ma tano bope bona ni dolok humutur, harana muruk ni Debata madung gurgur.

MASMUR 89:40

Dirumpakkon Ho angka tembok ni kotana, magargar dibaen Ho angka bentengna.

HARURUAR 15:11

Tuhan, ise ma sian angka debata sileban na tudos dohot Ho? Di sangap dohot di habadiaan, ise manyalpui Ho? Ise tarbaen patupa angka hahomangan dohot angka karejo na godang songon na binaenMu?

JESAYA 30:26

Marsinondang ma bulan i songon torang ni mataniari, jana mataniari i tumorang pitu noli sian na somal, songon torang ni pitu ari dipasada. Tarjadi ma sudena i di na ro Tuhan mambalut dohot pamalumkon angka bugang ni bangsoNia na nisambokNia i.

JESAYA 5:25

Muruk Tuhan tu bangsoNia i. Madung rade Ia laho manguhumi halahi. Humutur ma angka dolok; marragean ma angka bangke songon rompak di angka dalan. Hape laing muruk dope Tuhan jana laing na giot manguhumi.

JESAYA 7:8

harana Damsik i ma kota sabungan ni Aram, jana Resin i ma raja ni Damsik. Di bagasan onom pulu lima taon on, mabola ma Efraim jana nada gabe bangso be.

JEREMIA 10:10

Hape Ho do ale Tuhan, Debata na tutu, Raja na Hot, Debata Silehen ngolu. Muda jabat muruk Ho, gumalusak do tano, muda tarrimas Ho nada manahan angka bangso. (

JEREMIA 14:17

Disuru Tuhan ma au paboahon arsak ni rohangku tu bangsoNa i. Angkon dokkononku songon on, “Tangis noma au torus-torusan, arian na borngin ilu maraburan. Dibaen banga do bugang ni bangsongku jana tarlobi do pardangolanna.

JEREMIA 30:17

Haru pe didok musumu, ‘Madung tarbuang Sion, jana nada adong na marnidasa,’ baenonKu horas hamu mangulahi, jana angka bugangmu Huubati.”

JEREMIA 4:24

Hutailihon angka dolok na gincat munggal-unggal maradu gogo.

JEREMIA 48:38

Di ginjang ni sude bungkulan ni bagas dohot di angka tano lapang sora ni na tangis noma na tarbege. Angke madung Hutaporkon Moab songon hudon tano na so marguna.

ANDUNG 2:13

O ale Jerusalem, na ni haholongan, aha ma dohononku tu ho? Bia ma baenonku mangapuli ho? Nada adong dope jungada manaon na songon on. Nada marbatas hamamagomu songon laut na bidang, nada adong be si arophononmu.

JEHESKIEL 34:16

JalahanKu ma na mago i, obanonKu mulak na lilu i, na margasa balutonKu, na marnyae ubatanKu; tapi anggo na mokmok dohot na gogo i abiskononKu, angke parmahan na mambaen na denggan do Au.

HOSEA 6:1

“Beta ma mulak hita tu Tuhan. Ia do na mambaen marhancit hita, tapi laing Ia muse do na pamalumkon. Ia do na mambugangi hita, tapi laing Ia muse do na mambalut angka bugangta.

AMOS 8:8

Nada he humutur ma tano on hara ni i, jana sude rayat marsiluluton? Nada he humuntal ma sude na i songon Batang aek Nil, dipartunggalbalikkon jana surut songon Batang aek Mesir?”

HABAKUK 3:10

Hum mangida Ho munggal-unggal ma angka dolok sian langit udan songon na durus dibaen por. Aek na di toru ni tano gumadobur sorana ombakna i marbalun-balun jana manggasa-gasa.

MATEUS 27:51

Dung i manigor masibak ma tire na di Bagas Ni Debata bola dua sian ginjang lalu tu toru. Humutur ma tano i, mangkabola ma angka dolok batu.