MASMUR 60:12 - BIBEL JAMITA NA DENGGAN

¹² Rap dohot Ho ale Debata, pir do rohanami, sai Ho ma manaluhon musunami.

MASMUR 60:12 ပူးပေါင်းရင်းမြစ်များ

2 SAMUEL 10:12

Papir ma rohamu! Dison ma tapatuduhon habaranion manghopkop bangsonta dohot manghopkop angka kota ni Debatanta. Sai dipatulus Tuhan ma sanga aha giot ni rohaNia.”

1 JUJUR TAON 19:13

Pos ma rohamu! Tapuntial ma gogonta na marporang on hara ni bangsonta dohot haporluan ni angka kota ni Debatanta. Sai dipatulus Tuhan ma nian sanga aha giotNia.”

MASMUR 118:16

Kuaso ni Tuhan mangalehen di hita hamonangan. Paltak kuaso ni Tuhan di bagasan parporangan!”

MASMUR 144:1

Puji ma Tuhan, pangondianku! Dilatik Ia do au marjuang, jana diajar Ia do au marporang.

MASMUR 44:10

Dipadiar Ho do hami maporus sian musu na mangarampas artanami.

MASMUR 44:5

Markite-hite kuasoMu, hami taluhon musunami, jana hami patunduk bangso na mamorangi hami.

JESAYA 10:6

Hutongos do Asur laho manguhumi bangsongKu na marbalik jana na mambaen Au muruk. Husuru do Asur laho mangarampas dohot manangko lalu mangalonca-lonca bangsongKu songon abu na di dalan i.”

JESAYA 63:3

“Huporo angka bangso songon anggur, nada adong na ro mangurupi. Sasada Au do mangkarejohonsa; di bagasan murukKu Hudege-dege halahi. Mamincar mudarna i, mangaehi bajungKi, pahodarkon sude pakeanKi.

ZAKARIA 10:5

Monang ma halak Juda songon angka ulu balang na mangalonca-lonca musu songon bustak di dalan. Marporang ma halahi hara ni Au, Tuhan mangurupi halahi, jana taluhonon ni halahi ma parangan ni musu angka na markudo i sude.

MALEAKI 4:3

Gabe dege-degeonmunu ma angka halak na jahat jana lopus songon abuan halahi dege-degeonmunu.

JOSUA 1:9

Ingot, madung Huparentahon tu ho anso marpos ni roha situtu ho! Ulang ho mabiar sanga hurang semangat, angke Au Tuhan Debatamu, sai na dongananKu do ho sanga na tu dia pe ho kehe.”

JOSUA 14:12

Antong, saonnari lehen ma luat na mardolok-dolok na dijanjihon ni Tuhan i tu au di hatiha na mulak au mangalehen barita dohot angka halak na rap dohot au i. Di hatiha i hami paboa do tu ho, bahaso na adong disi bangso raksasa na margoar bangso Enak i. Maringanan di angka kota na godang-godang jana na martembok do halahi. Betak na donganan ni Tuhan do au, gabe bolas usironku halahi morot songon na nidok ni Tuhan i.”

HALUMBAAN 19:15

Ruar ma sian pamanganNia i sada podang na tajom, jana podang i ma baenonNia manaluhon angka bangso jana parentaonNia ma halahi dohot tungkot bosi. PoroonNia ma anggur di panggilingan ni anggur haririmas ni Debata Parkuaso Na Sumurung i.