MASMUR 6:8 - BIBEL JAMITA NA DENGGAN

⁸ O, angka na jahat, morot ma hamu madung ditangihon Tuhan tangisku.

MASMUR 6:8 ပူးပေါင်းရင်းမြစ်များ

JOB 17:7

Rambon parnidaanku, hara ni pardangolan; sude pamatangku mandingkil songon na hurang mangan.

MASMUR 116:8

Madung disalpuhon Tuhan sian au hamatean, diapoi Ia do au jana nada dipadiar Ia au marhataluan.

MASMUR 119:115

O hamu parjahat! Morot ma ho sian au! Sai giot momosanku do parenta ni Debatangku.

MASMUR 139:19

Sugari dipusa Ho ma nian halak parjahat, ale Debata, jana padao ma sian au angka siduruskon mudar!

MASMUR 145:18

Donok do Ia tu halak na pio-pio tuSia, tu ganop halak na martangiang sian bulus ni rohana.

MASMUR 3:4

Pio-pio au tu Ho ale Tuhan, sian dolokMu na badia dialusi Ho au.

MASMUR 31:10

Marsalpuan do ngolungku di bagasan pardangolan, marabisan ari-aringku mardongan na holsoan. Maradu marniang pamatangku hara ni sapot ni bagian, salang holi-holingki pe majabat gale.

MASMUR 56:8

Diboto Ho do godang ni sitaononku, torang do di rohaMu ilu-ilungku. Nada he tarsurat do sudena i di bukuMu?

JESAYA 30:19

Ale hamu na maringanan di Jerusalem, nada sai mangandungi be hamu. Ibo roha ni Tuhan jana alusanNia ma hamu muda pio-pio hamu tuSia mangido tolong.

JESAYA 38:3

“O Tuhan, ingot ma na dung huoloi Ho sian haburjuon dohot bulus ni rohangku. Sai huparayak do mangoloi hagiotMu.” Dung i tangis ma si Hiskia, lungun partangisnia i.

JESAYA 38:5

“Kehe ma ho jana dok ma tu si Hiskia: Songon on do hata ni Tuhan, Debata ni si Daud, ompumunu i: Madung Hubege tangiangmu jana Huida ilu ni matamu. Sapetona paginjangonKu dope ngolumu lima bolas taon nari.

ANDUNG 3:56

Gomos pangidoanku ulang be da tulak au. Jadi gabe ditangihon Ho pangidoanki jana didok Ho, ‘Ulang ho mabiar.’

MATEUS 25:41

Dung i didok Raja i ma tu halak na di siambirangNia i, ‘Morot ma hamu sian on, hamu angka na hona bura! Masuk ma hamu tu api na so ra mintop na niparade di Sibolis dohot di angka surusuruanna!

MATEUS 7:23

Tapi anggo alusKu songon on ma, ‘Nada Hutanda hamu! Morot ma hamu sian Au, angka na jahat do hamu!’ ”

LUKAS 13:27

Tapi ulahan ni Tuan i ma mandok, ‘Nada Huboto sanga na sian dia hamu. Kehe ma hamu sian on, sude hamu na mambaen hajahatan!’

IBRANI 5:7

Hatiha di ngolu ni Jesus di tano on, mangangguk godang do Ia tangis martangiang dohot pasahatkon angka pangidoanNia tu Debata, na margogo paluahon Ia sian hamatean. Boti hara ni na mangoloi Ia tu Debata mardongan sangap na gok, gabe ditangihon Debata do pangidoanNia i.