MASMUR 6:6 - BIBEL JAMITA NA DENGGAN

⁶ Humolos au pola marsak situtu; ganop borngin mardodor ilungku, manombur podomanku.

MASMUR 6:6 ပူးပေါင်းရင်းမြစ်များ

JOB 10:1

Loja au jana magigi paida-ida ngolungku. Gabe huusehon na paet di rohangku.

JOB 16:20

Diincahi jana dipartatai angka dongan iba; lalu tangis ma au mangido tolong tu Debata.

JOB 7:3

Sian bulan tu bulan do ngoluniba na so martujuan; sian borngin tu borngin do rohangku digohi hamarsahan.

MASMUR 115:17

Anggo Tuhan, nada pujion ni halak na mate, halak na dung manuat tu inganan na lungun i.

MASMUR 30:10

Tangihon ma tangiangku jana ibo ma rohaMu mida au. Ale Tuhan, urupi ma au.

MASMUR 38:9

Tuhan, diboto Ho do sandok lungun ni rohangku, nada buni di Ho holos ni rohangku.

MASMUR 39:12

Tangihon ma ale Tuhan, tangiang pangidoanku; parrohahon ma ilu-ilungku, ulang ma hohom Ho tu au. Laing songon angka daompung na umpompar au, hum sangombas sajo do manompang tu Ho au.

MASMUR 42:3

Arian na borngin sai tangis do au, hum ilu-ilu noma balanjongku. Ari-arion do sai sapa-sapa musungku, “Di dia ma he Debatamu?”

MASMUR 69:3

Pio-pio do au marsurak lopus loja jana mahiang tolonanku. Maniak huhilala matangku mararop roha di Debatangku.

MASMUR 88:11

Adong he na pajojor holong ni rohaMu di tanoman, dohot hadenggananMu di inganan hamagoan?

MASMUR 88:9

Rambon matangku hara ni na marsitaonon ganop ari au pio-pio tu Ho, ale Tuhan jana martangiang pahirtang tangan.

JESAYA 38:18

Angke nada adong na mandok tarimakasi sian inganan ni na mate tu Ho, hamatean nada bisa mamuji Ho; angka jolma na giot tu kuburan inda dipainte be hasetiaonMu.

JEREMIA 14:17

Disuru Tuhan ma au paboahon arsak ni rohangku tu bangsoNa i. Angkon dokkononku songon on, “Tangis noma au torus-torusan, arian na borngin ilu maraburan. Dibaen banga do bugang ni bangsongku jana tarlobi do pardangolanna.

ANDUNG 1:16

Patunda ni i ma da maraburan iluniba, nada adong na mangalehen gogo dohot pangapoi ni roha. Mago ma sude na adong di bangso i, angke gumodang antong kuaso ni musui.

ANDUNG 1:2

Tumatangis do ia dangol sasaborngin ramram ilu-ilu di hurumna i. Sahalak pe nada adong sian haholongan ni rohana na ra mangapoi ia. Dihianati angka donganna ia na marbalik gabe alona.

ANDUNG 2:11

Marbosoli matangku hara ni na so mantak tangis, marhancit tondingku songon na dihoris. Loja au holosan paida-ida haruruncur ni bangso i, na baru sorang dohot dakdanak marompasan di dalan ni kota i.

LUKAS 7:38

Jongjong ma ia di pudi ni Jesus di lambung patNa i, tangis ma ia disi, ditombur ia ma pat ni Jesus dohot ilunia, asa diapusi ia ma i dohot obukna, dung i diumma ia ma i jana diusehon ia ma miak na huskus i.