MASMUR 6:5 - BIBEL JAMITA NA DENGGAN

⁵ Angke anggo dung do di hamatean nada ingoton be Ho, anggo di inganan ni halak na mate nada adong be mamuji Ho.

MASMUR 6:5 ပူးပေါင်းရင်းမြစ်များ

MASMUR 115:17

Anggo Tuhan, nada pujion ni halak na mate, halak na dung manuat tu inganan na lungun i.

MASMUR 116:4

Gabe pio-pio au tu Tuhan, ningku, “Ale Tuhan, hupangido, palua ma au!”

MASMUR 118:17

Sai na mangolu do au, nada idaonku hamatean, laho mamaritahon karejo ni Tuhan.

MASMUR 30:9

Aha ma he gunana di Ho muda mate au, aha ma untungna muda dikuburkon au? Tarbaen na mate ma he mamuji Ho dohot pajojorkon denggan ni haburjuonMu?

MASMUR 90:13

Ale Tuhan intap ni andigan sai milas rohaMu? Marpangulahi jana ibo ma rohaMu di angka naposoMon.

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

JOHANNES 9:4

Salolot torang dope ari, angkon pupuonta do mangkarejohon karejo ni na marsuru Au. Angke potang ne ma ari jana nada tarbaen sanga ise be markarejo dung di hatiha i.