MASMUR 6:2 - BIBEL JAMITA NA DENGGAN

² Ibo ma rohaMu mida au, angke abis ma gogongku da Tuhan, pargogoi ma au, angke madung gale-gale au.

MASMUR 6:2 ပူးပေါင်းရင်းမြစ်များ

PAMUNGKAAN 20:17

Gabe so maruntungan sude dadaboru na di bagas godang ni si Abimelek i dibaen Debata hara ni na masa tu si Sara, ripe ni si Abraham i. Jadi ditangiangkon si Abraham ma si Abimelek tu Debata, jana dipamalum Debata ma si Abimelek, dongan saripe dohot angka hatobanna dadaboru, gabe mulak ma margogo halahi laho mardakdanak.

JOB 19:21

Hamu angka donganku, ibo ma jolo rohamunu mida au, angke tangan ni Debata do mamukul au.

JOB 5:18

Angke Debata do mambaen marhancit, Ia muse do na mangubati, jana tanganNia do mamukuli, laing songon i na pasuang mangulahi.

MASMUR 22:14

Abis ma sude gogongku, songon aek na durus tu tano, martalgangan sude holi-holingki, ate-ate i pe malala songon lilin na hona api.

MASMUR 30:2

Tu Ho do au pio-pio, ale Tuhan Debatangku, jadi gabe dipamalum Ho au.

MASMUR 31:10

Marsalpuan do ngolungku di bagasan pardangolan, marabisan ari-aringku mardongan na holsoan. Maradu marniang pamatangku hara ni sapot ni bagian, salang holi-holingki pe majabat gale.

MASMUR 32:3

Salolot nada huoku dosangku, mardangol do pangkilalaanku hara ni na tangis sasadari.

MASMUR 38:2

Pantom do panaMu mambugangi pamatangku, dokdok hilalaon pandondoni ni tanganMu.

MASMUR 38:3

Hancit do huhilala hara ni parpiar ni murukMu, hara ni dosangku, nada adong torkis be pamatangku.

MASMUR 38:7

Arun songon na manutung pamatangku, nada adong be togar simanarengku.

MASMUR 51:8

Paloas ma au umbege barita jop ni roha, anso marsurak mangulahi roha na nigopuMon.

HARURUAR 15:26

Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”

JEREMIA 10:24

Ajar ma hami ale Tuhan, dohot na sapatutna. Ulang ma dohot hamumurukMu, anso ulang gabe mago hami.

JEREMIA 17:14

Pamalum ma au Tuhan, anso gabe torkis au. Palua ma au, anso gabe malua au. Hum Ho do na hupasangap!

HOSEA 6:1

“Beta ma mulak hita tu Tuhan. Ia do na mambaen marhancit hita, tapi laing Ia muse do na pamalumkon. Ia do na mambugangi hita, tapi laing Ia muse do na mambalut angka bugangta.

BILANGAN 12:13

Dung i dipangido si Musa ma tu Tuhan i, “Ale Debata, pamalum ma ia.”

MATEUS 4:24

Tarbonggal do Jesus lalu tu tano Siria sude, gabe bahat ma marroan halak tuSia. Diparobani halak ma angka na marnyae dohot halak na marragam rupa hasusaanna. Adong ma i na hona begu, adong na solpoton, adong na pangpangon. Sude halahi dipamalum Jesus.

PANGARATAION 32:39

Tapi songon i pe Au, Au sandiri do na tutu Debata; asing sian Au nada adong be Debata. Au do na mamunu, dohot na pangoluhon mambugangi dohot na pamalumkon. Muda jabat do Hubaen pangalaho sanga na aha sahalak pe nada tarbaen mangalosa.