MASMUR 59:3 - BIBEL JAMITA NA DENGGAN

³ Ligi bo, ma singkop halahi giot mamunu au, mardomu halak na jahat laho manyoro au; hape nian nada hara ni na mardosa au, sanga na hulaosi aturanMu, ale Tuhan.

MASMUR 59:3 ပူးပေါင်းရင်းမြစ်များ

MASMUR 140:2

Sai na mambaen sangkap hajahatan do halahi dibagasan rohana jana ganop ari pabira-birahon parbadaan.

MASMUR 2:2

Angka parkuaso pe rap burangkit mangalo Tuhan dohot raja na nipiliNia.

MASMUR 38:12

Halak na sai giot mamunu au, manaon jorat; sasadari hum na mambaen tahi na jahat, laho mangago au mardongan tipu akalna.

MASMUR 56:6

Marlagut ma halahi di partabunian, jana pamanatkon sandok na nipambaenan, manjalahi hatiha na denggan laho mamunu au.

MASMUR 69:4

Halak na magigi mida au di na so dalanna, umbahat sian obuk na di uluniba. Sai giot agohonon ni angka halak na gogo au, dipahata-hata halahi ma au dohot hata na so tutu. Dipaksa halahi au paulakkon arta na so hurampas.

PODA 12:6

Hata ni halak na jahat mamatehon; hata ni halak na jujur pangoluhon.

PODA 24:15

Ulang iba songon halak na jahat na marpokat manyamun halak na burju jana mangarampas bagasna.

MIKA 7:2

Halak na burju ma pola mago sian luat on, halak na setia tu Debata nada adong be dapot. Sude jolma painte-inte hatiha na tumbuk hadenggananna laho mamunu jolma. Marsibaen gasipna tu donganna.

JOHANNES 15:25

Jadi madung songon i pangalahona anso laing tulus na tarsurat i di Buku Tona ni halahi na mandok, ‘Dihosomi halahi do Au haru so binoto sanga hara ni aha.’

BAENON NI ANGKA RASUL 23:21

Tapi ulang ma dioloi tuan i pangidoan ni halahi i, angke adong do lobi opat pulu halak na dung martabuni laho mangadang ia di dalan i. Na dung marsumpa do halahi sude na so mangan sanga minum anggo so jolo dibunu halahi si Paulus. Jadi saonnari pe madung rade halahi; na hum paintehon alus sian tuan i sajo noma halahi.”

1 SAMUEL 19:1

Didok si Saul ma tu si Jonatan anaknia i dohot tu sude pagawenia na giot bunuonnia si Daud. Tapi na holongan do roha ni si Jonatan tu si Daud,

1 SAMUEL 24:11

Saonnari diida raja i sandiri ma nangkin di bagasan liang i madung dipasahat Tuhan raja i tu au. Na dung dielek-elek do au laho mamunu raja i tapi nada ra au. Hualusi do, na so ra au mamparkanciti rajangku na nipili ni Tuhan.

1 SAMUEL 24:17

Dung sidung si Daud na pajojorkon hata i, didok si Saul ma, “Tutu dehe i, anakku si Daud ho?” Lalu tangis ma ia.

1 SAMUEL 26:18

Didok ia muse dope, “Biasi dope laing dikojar raja i au? Hasalaan dia do na hubaen?