MASMUR 59:13 - BIBEL JAMITA NA DENGGAN

¹³ Pangabis ma halahi ale Debata, di bagasan hamuruhonMu, pangabis ma halahi lopus punu. Gabe sude ma halak umboto bahaso Debata do mamarenta di pomparan ni si Jakob, jana mangararati do pangarajaionNa tu sude tano on.

MASMUR 59:13 ပူးပေါင်းရင်းမြစ်များ

2 RAJA-RAJA 19:19

Ale Tuhan Debatanami, palua ma hami sian halak Asur i anso diboto sandok bangso na satanoon i, Ho do Tuhan, sasada Ho do Debata!”

MASMUR 10:7

Mamurai ia jana mangondam, sude hatania gok hagigian dohot hajahatan.

MASMUR 104:35

Padiar ma mago anggo pardosa sian tano on, padiar ma parjahat i abis dipusai. Puji ma Tuhan, ale tondingku! Puji ma Tuhan!

MASMUR 109:17

Dibaen sai mamurai ia, sai hona bura nian ia! Dibaen na so ra ia mamasumasu, sai ulang ma adong tusia pasupasu!

MASMUR 59:11

Ulang bunu halahi, anso ulang lupa bangsongki. Marhite kuasoMu, ayak ma halahi cuka-ciri, taluhon ma halahi, ale Tuhan pangondiannami.

MASMUR 64:9

Gabe mabiar be ma halak sudena; marpikir be ma halahi salaho tu pambaenan ni Debata, jana pararatkon sanga aha na dung dipatupa Debata.

MASMUR 7:9

Antak ma hajahatan na sumalin, jana patogu roha ni halak na denggan. Angke Ho do Debata na tigor, didodo Ho do roha dohot pikiran ni jolma.

MASMUR 83:18

Anso diboto halahi hum Ho do Tuhan Na Gumincat, Tuhan, na mangarajai sandok portibi.

PODA 12:13

Halak na jahat tarjorat baenon ni hatana, halak na denggan malua sian na susa.

JESAYA 54:5

Harana na gabe halaklahimu i ma Ia Na Manompa ho, Tuhan Na Markuaso do goarNia; na gabe Sipaluamu i ma Na Sun Badia, Debata ni Israel, nigoaran do Ia, Debata ni sandok portibi.

JEHESKIEL 38:23

Songon i ma dalanna baenonKu laho patuduhon tu ganop bangso paboa na badia jana na godang do Au. Jadi botoon ni halahi ma bahaso Au do Tuhan.”

JEHESKIEL 39:7

Tapi anggo di tonga-tonga ni halak Israel, patangkasonKu ma na badia goarKu, jana nada pahodaron be goarKi. Jadi, gabe botoon ni angka bangso ma Au do Tuhan, Debata na badia ni Israel.”

DANIEL 4:25

Paoroton ma raja i sian tonga-tonga ni parngoluon ni jolma, jana mangolu di tonga-tonga ni angka binatang noma di padang. Pitu taon honokna sai mangan ruput raja i songon lombu jana modom di tano lapang na so martarup, gabe marombun-ombun. Dung salpu i, okuon ni raja i ma paboa na markuaso do Na Gumincat i di ginjang ni harajaan ni jolma, jana dilehen Ia harajaan i tu sanga ise sajo na nitodo ni rohaNia.

BILANGAN 32:13

Muruk do Tuhan i tu halak Israel gabe dipadiar Ia halahi di halongonan i pola opat pulu taon honokna, lopus abis na sansundut na mangalo i marmatean.