MASMUR 59:11 - BIBEL JAMITA NA DENGGAN

¹¹ Ulang bunu halahi, anso ulang lupa bangsongki. Marhite kuasoMu, ayak ma halahi cuka-ciri, taluhon ma halahi, ale Tuhan pangondiannami.

MASMUR 59:11 ပူးပေါင်းရင်းမြစ်များ

JOB 40:12

Olo, tatap ma da halak na sombong, patunduk ma! Ropukkon ma halak na jahat di ingananna.

MASMUR 106:27

Marserak noma pomparan ni halahi sun tu dia, jana marmatean di tonga-tonga ni bangso na marragam.

MASMUR 118:7

Mamihak tu au do Tuhan laho mangurupi au, idaonku ma martaluan angka musungku.

MASMUR 3:3

Hape Ho do ale Tuhan, parince na mangondingi au; dilehen Ho do hamonangan di au jana dipagodang Ho rohangku.

MASMUR 44:11

Dipadiar Ho do hami dibante songon biri-biri, disarsarkon Ho do hami di tonga-tonga ni angka bangso.

MASMUR 52:5

Tapi roncohonon ni Debata do ho muse salolot-lolotna; sian bagasmu ho tangkupon jana saratonNia, jana tu inganan ni na mate ma ho paimbaronNa.

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

MASMUR 84:9

Ligi ma parincenami, ale Debata, ligi ma bohi ni na nitodoMu sandiri.

PARJAMITA 9:5

Palamani, diboto jolma na mangolu na inte do hamatean disia, hape anggo na mate nada dibotosa bagi aha. Nada adong disia upa sanga pamaloson, jana goarnia pe ma pola dihalupahon.

HAMALIMON 26:33

ParoonKu ma parporangan di luatmunu jana manyarsar hamu di luat na leban. Angka ladangmu gabe tarulang jana kotamu gabe abu.

LUKAS 21:21

Jadi anggo disi angkon marlojongi ma tu angka dolok sanga ise halak na di Judea. Angka halak na maringanan di kota angkon markehean ma tu ruar jana halak na di ruar ni kota nada tola be masuk tu kota.

PANGARATAION 28:64

Paserahon ni Tuhan ma ho di tonga-tonga ni angka bangso, sian ujung na sada tu ujung na sada nari di tano on. Sombaonmunu ma disi angka debata na dibaen sian hayu dohot batu, i ma angka debata na so unjung hian disomba ho dohot ompumunu.

PANGARATAION 4:27

Sarsarkonon ni Tuhan ma hamu di tonga-tonga ni angka bangso na asing jana saotik noma sian hamu na mangolu.

PANGARATAION 4:9

Parrohahon jana denggan ingot hamu, anso ulang lupa hamu sapanjang mangolu di sude na nisaksihonmunu sandiri. Baritahon hamu ma i di pomparanmunu,

HALUMBAAN 9:6

Anggo na lima bulan i maradu mate ma nian giot ni jolma i, hape nada tarbaen halahi mate; por roha ni halahi nian anso mate, hape dao do hamatean i sian halahi.

1 SAMUEL 24:5

Dung i didok parangan ni si Daud i ma tusia, “On ma hatiha hadenggananna di tuan i! Inda he na dung didok Tuhan do tu tuan i, ‘PasahatonKu ma musumu tu ho, baen ma sanga na aha giotmu tusia!’ ” Dung i manyilmuk ma si Daud tu inganan ni si Saul jana sip-sip ma ia manggotap saotik sian topi-topi juba ni si Saul i.