MASMUR 56:9 - BIBEL JAMITA NA DENGGAN

⁹ Di ari na pio-pio au tu Ho, ale Debata, sumurut ma musungku hona ayak, angke pos do rohangku tu au do Ho marpihak.

MASMUR 56:9 ပူးပေါင်းရင်းမြစ်များ

2 RAJA-RAJA 20:5

mangulahi mandapotkon si Hiskia raja ni bangso ni Tuhan jana dipalalu ia ma tona on, “Au do Tuhan na nisomba ni ompumu si Daud, madung Hubege tangiangmi jana Huida do ilu ni matami. Hupamalum pe ho; ancogot haduan kehe ma ho tu Bagas Ni Debata.

MASMUR 102:2

Ulang marbalik Ho sian au muda di bagasan hasusaan au. Tangihon ma muda pio-pio au, manigor ma alusi au.

MASMUR 118:6

Nada mabiar au, angke didongani Tuhan do au, nada margogo anggo jolma maradopkon au.

MASMUR 27:2

Muda ro parjahat mangaroro giot mamunu au, tartuktuk ma halahi lalu madabu.

MASMUR 46:11

Didongani Tuhan Na Markuaso i do hita, Debata ni si Jakob do mangondihon hita.

MASMUR 46:7

Didongani Tuhan Na Markuaso i do hita, diondihon Debata ni si Jakob do hita.

MASMUR 9:3

Di joloMu angka musungku marbalik jana kehe, tinggang halahi tartuktuk lalu mate.

JEREMIA 33:3

“Pio-pio ma ho tu Au, jadi gabe alusanKu ma; giot paboaonKu tu ho angka pangalaho na jeges-jeges jana na pahomang roha na so diboto ho dope.

MALEAKI 3:16

Jadi marsipandohonan ma angka halak na manghabiari Tuhan i na sada tu donganna. Dibege jana diparrohahon Tuhan do sanga aha na nihataan ni halahi i. Disuratkon do angka goar-goar ni na pasangapkon Tuhan dohot na mabiar mida Ia, di bagasan sada buku panyuratan na adong di joloNia.

JOHANNES 18:6

Di na nidok ni Jesus tu halahi, “Au do i,” sumurut ma halahi sude gabe martinggangan tu tano i.

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?