MASMUR 56:7 - BIBEL JAMITA NA DENGGAN

⁷ Balos ma ale Debata hajahatan ni halahi i, pasidung ma halahi di hamumurukMi.

MASMUR 56:7 ပူးပေါင်းရင်းမြစ်များ

MASMUR 36:12

Ligi ma sanga di dia madabu halak na jahat, disi ma halahi julung, nada tarbaensa jongjong mulak.

MASMUR 37:32

Anggo parjahat sai na mangintip do i tu halak na denggan, jana manjalahi haputusan laho mamunusa.

MASMUR 49:6

angka halak na jahat na mangasahon hakayoanna, jana na manghaginjangkon sinadonganna.

MASMUR 55:15

Padiar ma mate ompot musungki, mangolu-ngolu dibondut hamatean i, angke marroha-roha do hajahatan di bagas ni halahi, lopus tu bagasan roha ni halahi i.

MASMUR 55:23

Tapi anggo Ho ale Debata, sampakkononMu ma halahi tu bagasan lubang na umbagas. Angka panghianat dohot na manduruskon mudar, nada lalu bolusonna satonga ni umurna. Hape anggo au, tu Ho do au porsaya.

MASMUR 55:9

Sursari ma ale Tuhan, parkobaran ni musungku, angke huida do na mangasa gogo dohot hagaoran di kota.

MASMUR 59:4

Haru pe nada marsala au, dilojongi halahi do jana marhobas.

PARJAMITA 8:8

Nada adong sahalak pe na tarbaen manahan sanga manyundati hamateanna. Paraloan na so tarpasidingsa do i, nada tarbaensa malua sian i, haru pe mardongan sipaoto-oto dohot na mangakali.

JESAYA 28:15

Maginjang ma rohamunu hara ni na dung mambaen parjanjian dohot hamatean dohot na dung satahi hamu dohot kuburan. Madung pasti di pangkilalaanmunu na so hahuaon ni parmaraan na giot ro i be hamu, umbaen na mamake tipu akal hamu laho manjagohon dirimunu.

JEREMIA 10:25

Tu angka na manghudukkon Ho ma, palalu parpiar ni murukMu dohot tu na so marsomba tu joloMu. Angke madung diabisi halahi sude pomparan ni si Jakob jana na mangaroncohon tano ni halahi.

JEREMIA 7:10

Dung dipambaeni hamu sasude na Huhagigihon i, ro ma hamu mangadop tu Au di BagasKon jana didok hamu ma, ‘Aman do hami!’

HABAKUK 1:13

Na badia situtu do mataMu, hara ni i nada tarpaida-ida Ho hajahatan jana nada tarligi Ho hakejamon. Biasi sai paligi-ligionMu angka jolma na jahat i, jana sai hohom Ho taran diabisi halak na jahat i angka halak na dumenggan sian ia?