MASMUR 56:5 - BIBEL JAMITA NA DENGGAN

⁵ Sasadari do susa au dibaen musu, na torus marniet laho mangago au.

MASMUR 56:5 ပူးပေါင်းရင်းမြစ်များ

1 RAJA-RAJA 18:2

Jadi kehe ma si Elia. Santak ma hatiha i haleon potir di Samaria.

MASMUR 118:6

Nada mabiar au, angke didongani Tuhan do au, nada margogo anggo jolma maradopkon au.

MASMUR 41:7

Marhusipi do sude na manghosomi au jana dipikiri halahi do na jahat taringot tu au.

MASMUR 49:6

angka halak na jahat na mangasahon hakayoanna, jana na manghaginjangkon sinadonganna.

JEREMIA 18:18

Didok halahi ma, “Tole ma martahi hita mangalo si Jeremia. Haru so adong pe ia laing na adong do angka malim na mangalehen pangajaran, laing na malo do angka halak na bisuk mangalehen sipaingot; jana laing tarbaen angka panurirang do palaluhon angka tona ni Debata tu hita. Beta ma hita aduhon ia tu paruhuman jana nada be patangi-tangionta angka hatania.”

MATEUS 22:15

Dung i kehe ma halak Parise i anso rap martahi manjalahi dalan sanga na bia baenon anso tardapot halahi Jesus di hasalaanna muda disapai halahi.

MATEUS 26:61

Didok halahi ma, “Didok bayo on do, ‘Tarumpakkon Au do Bagas Ni Debata, tapi di bagasan tolu ari tar pajongjong Au mangulahi.’ ”

LUKAS 11:54

Jana manat ma dibaen halahi laho padapotkon sanga aha na sala sian pandohan ni Jesus.

JOHANNES 2:19

Ninna Jesus ma mangalusi, “Rumpakkon hamu ma Bagas Ni Debata on, anso Hupajongjong mangulahi di bagasan tolu ari.”

2 PETRUS 3:16

Di sude suratnia i, sai dipaboa si Paulus do taringot tusi. Tutu nian, adong do piga-piga pangalaho na maol astuan di bagasan suratnia i. Jana angka halak na so togu haporsayaanna dohot na so angarti di surat ni si Paulus i, gabe dipabalik-balik halahi do na nisuratkon ni si Paulus i. Deba sian na tarsurat di Buku Na Badia i laing songon i do dibaen halahi. Pangalaho ni halahi do mambaen mago halahi.

1 SAMUEL 18:17

Ditahi roha ni si Saul ma anso dibunu halak Pilistin si Daud di bagasan porang anso ulang ia sandiri mamunusa. Jadi di sada ari didok si Saul ma tu si Daud, “Hupatunang ma borungku siangkaan i dohot ho, asal ma dipatuduhon ho habaranionmu marporang di Tuhan.”

1 SAMUEL 18:21

Didok ia ma di bagasan rohania, “Huarihon ma si Mikal tu si Daud, anso tarjorat si Daud jana bolas bunuon ni halak Pilistin.” Jadi paduanolihon didok si Saul ma tu si Daud, “Saonnari bolas ma ho gabe baberengku.”

1 SAMUEL 18:29

Jadi gabe mur mabiar ma ia tu si Daud jana goyak rohania paida-idasa salolot mangolu ia.

1 SAMUEL 20:33

Umbege i, didanggurkon si Saul ma tombaknia tu si Jonatan laho mamunusa. Jadi diboto si Jonatan ma torang na marsitutu amangnia i laho mamunu si Daud.

1 SAMUEL 20:7

Muda didok amanta, ‘Denggan,’ gabe malua ma au, tapi muda gabe muruk do ia, botoonmu ma disi na dung mambaen haputusan amanta laho mangago au.