MASMUR 56:4 - BIBEL JAMITA NA DENGGAN

⁴ Hupuji do Ho ale Debata, hara ni na nijanjihonMi; tu Ho do au marpos ni roha, gabe nada au mabiar; nada tarbaen jolma sanga na aha tu au.

MASMUR 56:4 ပူးပေါင်းရင်းမြစ်များ

2 JUJUR TAON 20:3

Gabe mabiar ma si Josafat lalu martangiang ma ia mangido panogu-noguon sian Tuhan. Dung i diparentahon ia ma anso puaso sude rayat i.

2 JUJUR TAON 20:4

Sian ganop kota na adong di Juda kehe ma halak tu Jerusalem laho mangido tolong tu Tuhan.

MASMUR 118:6

Nada mabiar au, angke didongani Tuhan do au, nada margogo anggo jolma maradopkon au.

MASMUR 119:160

Tutu do sude hataMi, hot do salolot-lolotna parentaMu na tigor i.

MASMUR 12:6

Togu do janji ni Tuhan jana tarpangasahon, songon sere na polin na diuji di bagasan api.

MASMUR 138:2

Di na hupuji goarMu, laing marsomba muse au adop BagasMu na badia, angke setia do Ho jana sai marholong roha, madung dipatorang Ho, goar dohot angka parentaMu disalpui i do sasudena.

MASMUR 27:1

Tuhan do hatiuran ni ngolungku dohot sipalua au, nada adong habiaranku. Tuhan do benteng parondinganku, nada pola humitir au.

JESAYA 31:3

Hum jolma na somal do halak Mesir, nada debata halahi. Kudo ni halahi pe mahluk na somal do, nada adong bako hadebataanna. Muda jabat martindak Tuhan, targompang noma bangso na gogo i, jana bangso na gale na nitungkolanna i pe madabu noma. Gabe rap marujung noma i dua-duana.

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

JOHANNES 10:35

Jana sude hita rap taoku do anggo na tarsurat di Buku Na Badia i, nada tarbaen sundat i. Antong anggo songon i, muda tu angka na manjagit hata ni Debata i, digoari Debata sandiri halahi angka debata,

IBRANI 13:6

Hara ni i gabe puluk ma hita mandok, “Tuhan do Pangurupi di au, nada mabiar au. Aha ma he na tarbaen jolma tu au lakna?”

1 SAMUEL 30:6

Giot marmara tutu do si Daud, dibaen sun do marsakna parangan ni si Daud i hara ni na agoan anak dohot dadaboru. Jadi gabe giot didangguri halahi do si Daud dohot batu. Jadi targogot situtu ma si Daud, tapi laing dipatogu Tuhan Debatania mangulahi rohania.