MASMUR 55:23 - BIBEL JAMITA NA DENGGAN

²³ Tapi anggo Ho ale Debata, sampakkononMu ma halahi tu bagasan lubang na umbagas. Angka panghianat dohot na manduruskon mudar, nada lalu bolusonna satonga ni umurna. Hape anggo au, tu Ho do au porsaya.

MASMUR 55:23 ပူးပေါင်းရင်းမြစ်များ

2 SAMUEL 3:27

Disi lalu si Abner di Hebron, dipiohon si Joab ma ia tu lambungnia, tu lambung ni pintu horbangan i tarsongon na giot mangkobari sada rahasia. Dung i ditiham si Joab ma butuha ni si Abner i lalu mate. Songon i ma si Abner hona bunu dibaen si Joab laho mambaloskon pamunuon tu si Asael angginia i.

JOB 15:32

Haru so dapot dope tingkina, hape mate noma ia; songon dangka na rahar na so ra be mulak rata.

MASMUR 112:6

Anggo halak na burju nada ganggu, salolot-lolotna do ia niingot.

MASMUR 121:3

Nada padiaronNia ho tinggang madabu, sai jonggor do sipanjagomu.

MASMUR 25:2

o Tuhan, Ho do haposan ni rohangku! Ulang padiar dipaila au, jana disurahi angka musungku.

MASMUR 5:6

Dipusa Ho do angka pargabus ditulakkon Ho do pangicu dohot pamunu.

MASMUR 58:9

Painte so hona dope angka hudonmu tu api madung dipangabis Ia angka na mangolu bope na dung mosok.

MASMUR 66:9

Dijagohon Ia do hami anso tongtong mangolu, jana nada dipadiar Ia hami dabu.

MASMUR 73:18

Di dalan na landit do halahi hape dibaen Ho, dipadiar Ho do halahi madabu mago.

PODA 10:27

Pasangap ma Tuhan, anso lolot ho mangolu; anggo halak na jahat mate do painte so dapot hatihana.

PODA 15:11

Gari banua toru ungkap do di adopan ni Tuhan, dia ma he tartabunihon angka roha ni jolma?

PODA 27:20

Anggo di inganan ni halak na mate, lumbang do inganan; laing songon i ma hagiot ni jolma nada tarsuhat bidangna.

PARJAMITA 7:17

Ulang iba muse majahattu sanga maototu. Aha ma gunana mate painte so dapot hatihana?

JESAYA 38:17

Muba ma haparironku gabe hasonangan ni roha, dipalua Ho do au sian mara; madung diampuni Ho angka dosangku sudena.