MASMUR 55:20 - BIBEL JAMITA NA DENGGAN

²⁰ Donganku humani mangalo angka donganna, disoadahon ia janjinia.

MASMUR 55:20 ပူးပေါင်းရင်းမြစ်များ

2 SAMUEL 18:12

Tapi dialusi bayo i ma, “Haru saribu pe hepeng perak dilehen di au, inda na ra au manghahua anak ni raja i. Sude do hami umbege na niparentahon ni raja i tu tuan i dohot tu si Abisai dohot si Itai, anso ulang adong na mambaen mabugang si Absalom, na poso i, hara ni raja i.

2 SAMUEL 2:4

Dung i marroan ma halak Juda tu Hebron, jana dimiahi halahi ma si Daud gabe raja ni Juda. Dung dibege si Daud na dung ditanom halak Jabes na di Gilead bangke ni si Saul,

2 SAMUEL 5:3

Mambaen janji ma si Daud dohot sude hatobangon ni Israel i na ro mandapotkon ia, jana dimiahi halahi ma ia gabe raja ni Israel.

2 RAJA-RAJA 17:34

Lalu tu sadari on laing didalankon halahi do adat hasomalan ni halahi. Nada na marsomba tu Tuhan halahi, jana nada didalankon halahi angka uhum dohot angka parenta na nilehen ni Tuhan tu pomparan ni si Jakob, na nigoaranNia muse si Israel.

MASMUR 109:5

Hajahaton do dibaen halahi balos ni hadenggananku, jana goyak ni roha balos ni holong ni rohangku.

MASMUR 6:10

Sude musungku giot pailaonNa, jana sumurut halahi maporus sun tu dia.

MASMUR 89:28

Holong ni rohangKu nada mansadi, parjanjianKu dohot ia sai hot do i Hugohi.

MASMUR 89:34

Nada oseonKu parjanjianKu dohot ia, sian janjingKi, sada pe nada butaonKu mangulahi.

MASMUR 89:38

Hape saonnari ale Tuhan, muruk Ho tu raja i, halak na nitodoMu dibuang jana ditadingkon Ho i.

MASMUR 93:2

Sian mulana do habangsaMu tohong, sian na manongtong do Ho adong.

PARJAMITA 8:2

Patutna do muda raja mangalehen parenta, jana ulang mopop mambaen janji tu Debata.

JEREMIA 5:3

Anggo satutuna na nipangido ni Tuhan, anso setia do hamu. Dibalbal Tuhan do hamu, tapi nada mangarti hamu. Digopu Ia hamu, hape na so tarajar do hamu. Sijogal roha do hamu jana nada ra muba sian angka dosamunu.

BAENON NI ANGKA RASUL 12:1

Di hatiha i mamungka ma Raja Herodes mamparkanciti piga-piga halak sian ruas ni parlagutan.

1 SAMUEL 22:17

Lalu diparentahon ia ma songon on tu angka pangawal na jongjong di lambungnia i, “Tole, bunu hamu angka malim ni Tuhan on! Na dung saroha do halahi dohot si Daud. Diboto halahi do antong na lari ia, hapengani nada ra halahi paboahonsa tu au.” Tapi nada ra angka pangawal i palalu tangan laho mamunu angka malim ni Tuhan i.

1 SAMUEL 24:10

Manaili ma si Saul tu pudi jana tungkap ma si Daud mamparsangapi lalu didok ia, “Biasi ditangihon raja i hata-hata ni halak na mandok na giot agoonku raja i?