MASMUR 55:14 - BIBEL JAMITA NA DENGGAN

¹⁴ Na salpu i manghata-hatai do hita denggan-denggan, jana rap marsomba hita di Bagas Ni Debata.

MASMUR 55:14 ပူးပေါင်းရင်းမြစ်များ

JOB 19:19

Sogen angka donganku mida au; angka haholonganku mandao be ma sian au.

MASMUR 122:1

Jop do rohangku muda didokkon halak tu au, “Beta hita tu Bagas Ni Tuhan!”

MASMUR 41:10

Ibo rohaMu di au, ale Tuhan, pamalum ma au, anso tarbaloskon au jolo hajahatan ni angka alongku.

MASMUR 42:4

Malala ate-atengku muda huingot hatiha na salpu, di na mardalan tu Bagas Ni Debata rap dohot halak na bahat au. Mardalan di jolo ni barisan i ma au, mardongan surak-surak dohot ende pamujian.

JESAYA 2:3

Dokkonon ni halahi sude ma disi, “Manangkok ma da hita tu dolok ni Tuhan! i ma tu Bagas Ni Debata ni Jakob! AjarkononNia noma tu hita sanga aha na patut baenonta. Ihutkononta noma dalan na nitodoNia, harana sian Jerusalem muse do da asal ni poda ni Tuhan, sian Sion do Tuhan mandok hataNa tu bangsoNia.”

JEHESKIEL 33:31

Ro do halahi marbahat-bahat songon bangsongKu, tangihonon ni halahi do angka hata na nidokmu, tapi anggo na niparentahonmu nada diterge halahi. Hata holong ni roha do dipajojor bibir ni halahi, tapi anggo rohana di bagasan hum mamikiri untung sajo do.