MASMUR 55:10 - BIBEL JAMITA NA DENGGAN

¹⁰ Arian dohot borngin do halahi manghaliangisa, hajahatan dohot mara do marroha-roha di bagasanna.

MASMUR 55:10 ပူးပေါင်းရင်းမြစ်များ

2 SAMUEL 15:31

Di na dipaboa tu si Daud na dohot muse si Ahitofel rap dohot si Absalom, martangiang ma si Daud, songon on, “O ale Tuhan, sugari disundati Ho ma nian sipaingot ni si Ahitofel!”

MASMUR 58:3

Na lilu do halak parjahat mamungka sian bortian, na manipu do halahi mamungka sorang.

MASMUR 59:6

Di andospotang mulak ma halahi songon anjing na mangorong, manghaliangi kota manjalahi sisoroon.

JEHESKIEL 9:4

Didok Tuhan ma tusia: “Mardalan ma ho sian tonga-tonga ni kota Jerusalem, jana suratkon ma hurup T di ganop bohi ni halak na marsak dohot na susa hara ni sude parbuatan sihagigian na dibaen di kota on.”

HOSEA 7:6

Songon api di dalihan, songon i ma gara-gara roha jahat ni halahi saborngin i, jana manyogotna i gabe api na gara ma i manggasa-gasa.

HABAKUK 1:3

Biasi dipadiar Ho au paida-ida hajahatan na songon i bahat? Tahan dehe Ho lakna paida-ida songon i bahat ni pangalaosion? Sanga na di dia masa hasegoan, na mangasahon gogo, parbadaan dohot parsalisian.

JOHANNES 18:28

Dung i dioban halahi ma Jesus sian bagas ni si Kayafas tu inganan ni gubernur. Manyogot dope hatiha i. Anggo halak Jahudi i sandiri nada pola masuk tu bagasan inganan i, anso ulang gabe ramun halahi mangihutkon ugamo, hara ni na giot dohot halahi mangankon sipanganon Paskah.

JOHANNES 18:3

Dung i ro ma si Judas tu inganan i, dioban ia ma saparangan tentara dohot angka panjago ni Bagas Ni Debata na nisuru ni angka sintua ni malim dohot halak Parise. Maroban sinjata do halahi, lampu dohot sulu.

BAENON NI ANGKA RASUL 9:24

Tapi tarboto ma tusia na nitahihon ni halahi i. Dipainte-inte halahi ma arian na borngin di dalan haroroan tu kota i laho mamunu ia.

1 SAMUEL 19:11

Laing di borngin i disuru si Saul ma piga-piga halak tu bagas ni si Daud laho manjago dohot laho mamunu si Daud manyogotna i. Tapi didok si Mikal dadaborunia i ma tusia, “Muda nada kehe ho borngin on, ancogot manyogot bunuonna ma ho.”