MASMUR 55:1 - BIBEL JAMITA NA DENGGAN

¹ Ale Debata, tangihon ma tangiangku, ulang mandao Ho sian pangidoanku.

MASMUR 55:1 ပူးပေါင်းရင်းမြစ်များ

MASMUR 143:7

Alusi ma au saonnari, ale Tuhan, dibaen madung magotap arop ni roha. Ulang martabuni be tu au anso ulang songon halak na manuat tu hamatean au.

MASMUR 17:1

Tangihon au martangiang sian sandok rohangku, ale Tuhan, parate-atehon pio-piongku mangido hatigoran.

MASMUR 27:9

Ulang ma martabuni Ho sian au. Ulang muruk Ho tu au; ulang suru kehe, naposoMu do au on. Angke sai Ho do pangurupi di au on, ulang tadingkon au, ale Debatangku, na paluahon au.

MASMUR 28:1

Sai pio-pio tu Ho do au ale Tuhan pangondianku, sai tangihon ma pangidoanku! Muda sai hohom Ho sai songon halak na manuat tu tanoman do au.

MASMUR 5:1

Ale Tuhan, tangihon ma angka hatangku, parrohahon ma angka holso ni rohangku.

MASMUR 6:1

Tuhan, ulang muruk Ho jana ulang tulakkon au, ulang uhumi au di bagasan muruk ni rohaMu.

MASMUR 61:1

Tangihon ma ale Debata angguk-anggukku jana parate-atehon ma tangiangku.

MASMUR 64:1

Ale Debata, tangihon ma tangiangku dompak susa au, palua ma ngolungku sian musu na jorbut.

MASMUR 80:1

Ale Parmahan ni Israel, tangihon ma hami, Ho do pamimpin ni bangsoMu, sai parrohahon hami. Ho na marhabangsa di ginjang ni kerub, ro ma Ho mardongan sahala na godang.

MASMUR 80:4

Ale Tuhan Debata Na Markuaso, intap ni andigan do Ho muruk, haru pe martangiang bangsoMu?

MASMUR 84:8

Ale Tuhan Na Markuaso, tangihon ma tangiangku ale Debata ni si Jakob, parrohahon ma pio-piongku.

MASMUR 86:6

Parrohahon ma tangiangku ale Tuhan, tangihon ma angguk-anggukku mangido partolongan.

ANDUNG 3:56

Gomos pangidoanku ulang be da tulak au. Jadi gabe ditangihon Ho pangidoanki jana didok Ho, ‘Ulang ho mabiar.’

ANDUNG 3:8

Pio-pio au mangido pangurupi, hape nada ra Debata umbege i.

1 PETRUS 3:12

Angke sai disarihon Tuhan do angka halak na mangihutkon hagiot ni roha ni Debata, jana sai na tangihonon ni Tuhan do angka tangiang ni halahi; tapi dialo Tuhan i do angka halak na mambaen hajahatan.”