MASMUR 52:6 - BIBEL JAMITA NA DENGGAN

⁶ Paida-ida i, mabiar ma halak na daulat, jana partataanna ma ho lalu didok ma,

MASMUR 52:6 ပူးပေါင်းရင်းမြစ်များ

JOB 22:19

Halak na denggan, martata do marmoga-moga, muda diidasa halak na jahat dapot di uhumanna.

MASMUR 119:120

Humitir do au hara ni na mabiar mida Ho, panyogiton do au maradopkon haputusanMu.

MASMUR 120:2

Palua ma au ale Tuhan, sian pargabus dohot pangicu.

MASMUR 37:34

Tu Tuhan ma mararop roha jana oloi ma parentaNa, gabe angkatonNia ma ho, jana baenonNia gabe nampuna di tano teanan; idaonmu ma parjahat dibaen marmorotan.

MASMUR 40:3

Diajari Ia do au mangendehon logu na imbaru, logu na mamuji Debatanta. Bahat do halak midasa jana gabe mabiar, gabe manghaporsayai Tuhan.

MASMUR 64:9

Gabe mabiar be ma halak sudena; marpikir be ma halahi salaho tu pambaenan ni Debata, jana pararatkon sanga aha na dung dipatupa Debata.

MASMUR 97:8

Sonang pangkilaan ni halak Sion dohot angka kota ni Juda di na umbege haputusan ni Tuhan.

PODA 12:19

Umur ni gabus nada ginjang; hata na tutu, martahan sapanjang.

JESAYA 37:22

madung didok Tuhan tu si Sanherib, “Partataan jana pacia-ciaon ni kota Jerusalem do ho, ale Sanherib.

MALEAKI 1:5

Idaon ni halak Israel ma i dohot mata ni halahi sandiri jana dokkonon ni halahi ma, “Na godang ma da antong Tuhan; salang tu ruar ni tano Israel pe lalu do kuasoNia!”

HALUMBAAN 15:4

Ise dope he na so mabiar mida Ho, Tuhan, jana ise dope he na so ra pasangapkon goarMu? Hum Ho sajo do na badia. Marroan ma angka bangso sudena manyomba Ho dibaen madung diida sasude halak angka panguhumanMu na tigor i.”

HALUMBAAN 18:20

Marjop ni roha ma hara ni ia, ale banua ginjang, dohot hamu halak na badia, angka rasul dohot angka panurirang, harana madung diuhumi Debata ia hara ni pambaenannia maradopkon hamu!