MASMUR 51:6 - BIBEL JAMITA NA DENGGAN

⁶ Haiason dohot habulusan ni roha do dipangido Ho, gohi ma rohangku dohot habisuhonMu.

MASMUR 51:6 ပူးပေါင်းရင်းမြစ်များ

2 SAMUEL 12:13

Dung i didok si Daud ma tu si Natan, “Madung mardosa au maradopkon Tuhan.” Dialusi si Natan ma, “Madung diampuni Tuhan raja i; jadi nada jabat mate be raja i.

2 RAJA-RAJA 20:3

“Tuhan, ingot ma na dung huoloi Ho sian burju dohot situtu ni rohangku. Sai hugogo do anso hupatulus hagiotMu.” Lalu mangangguk ma si Hiskia.

1 JUJUR TAON 29:17

Huboto do, na niujimu roha ni ganop halak jana dihalomohon rohamu do halak parroha na ias. Sian sada ni rohangku, di bagasan jop ni roha huhaulkon ma sudena on tu Ho. Madung tangkas huida sanga songon dia bangsoMu na marlagut dison marjop ni roha marsioban haulna be tu Ho.

JOB 32:8

Tapi anggo na mangalehen bisuk tu jolma, hum Tondi Ni Debata Na Markuaso i do da.

JOB 38:36

Sian ise diboto unggas ibis sanga andigan hatihana banjir Batang aek Nil? Ise paboahon tu manuk jambe na giot ro udan?

MASMUR 125:4

Ale Tuhan baen ma na denggan tu halak na burju, tu halak parroha na bulus.

MASMUR 15:2

Halak na so targora di ngoluna, na sai tongtong marpangalaho na tigor jana hatana pe sai bulus;

MASMUR 26:2

Sihiri ma au, ale Tuhan, uji ma au, pareso ma lungun dohot pikiranku.

MASMUR 32:5

Jadi gabe huoku dosangku tu Ho, nada adong hubunihon hasalaanku tu Ho. Diputuskon rohangku do mangoku i tu Ho, gabe diampuni Ho sude dosangku tu Ho.

MASMUR 41:5

Dipardokkoni musungku do na jahat taringot tu au, giot ni halahi mate ma nian au jana dihalupahon.

MASMUR 5:9

Nada haposan anggo hata ni musungku; giot ni halahi, sai mago ma nian au. Tabo do begeon hata na nidok ni halahi, hape anggo roha ni halahi hum na giot manjahati.

PODA 2:21

Angke, halak na jujur do na mangingani tano, jana halak na bulus marroha do na angkon tongtong tinggal disi.

PODA 2:6

Tuhan do na mangalehen habisuhon; sian Ia do dapot jolma parbinotoan dohot pangastuion.

JEREMIA 12:1

Muda hupatigor parkarongku di adopanMu ale Tuhan, tontu torang do tarida laing Ho do na tigor. Tapi laing por do rohangku marsapa tu Ho taringot tu soal hatigoran: Biasi sonang halak na jahat? Biasi ma he halak na geduk mardohar?

JEREMIA 31:33

On ma parjanjian na imbaru na giot baenonKu dohot halahi: BaenonKu ma angka aturanKu tu bagasan roha ni halahi, jana suratkononKu di ate-ate ni halahi. Au ma gabe Debata ni halahi, jana halahi gabe bangsongKu.

JEREMIA 32:40

BaenonKu ma parjanjian na hot dohot halahi. Nada mantak Au mambaen na denggan tu halahi. BaenonKu ma halahi mabiar jana mamparsangapi Au sian sandok rohana anso ulang mandao halahi sian Au.

JEREMIA 5:3

Anggo satutuna na nipangido ni Tuhan, anso setia do hamu. Dibalbal Tuhan do hamu, tapi nada mangarti hamu. Digopu Ia hamu, hape na so tarajar do hamu. Sijogal roha do hamu jana nada ra muba sian angka dosamunu.

LUKAS 11:39

Gabe didok Jesus ma tusia, “Tutu do i anggo halak Parise somal do dipaias hamu mangkuk dohot pingganmunu sian duru sajo tapi anggo di bagasan dirimunu sandiri gok dohot na nisamun dohot hajahatan do.

SURAT NI SI PAULUS TU PARLAGUTAN ROM 7:22

Anggo di bagasan, jop do rohangku adop Tona Ni Debata;

2 KORINTUS 1:12

Anggo na pagodang rohanami on do: Dipapos taroktoknami do rohanami taringot tu sude na hami karejohon di tano on – lumobi na marpardomuan tu hamu – sian roha na ias jana na polin na sian Debata do hami baen i sudena, nada sian habisuhon ni portibi, tapi sian asi ni roha ni Debata do.

JAKOBUS 4:8

Pasolkot hamu ma tu Debata, jana Debata pe padonohonNa ma tu hamu. Hamu dongan na mardosa, paias hamu ma tanganmunu! Hamu na mardua roha, paias hamu ma rohamunu.

1 PETRUS 3:4

Tapi na sian roha ma nian hajegesonmunu; umpamana halambohon dohot hadameon ni pangalaho; i do hajegeson na manongtong na mararga situtu di parnidaan ni Debata.

1 SAMUEL 16:7

Tapi didok Tuhan ma tu si Samuel, “Ulang marguru ho di ginjang ni pamatang dohot di jogi ni rupana; nada i por ni rohangKu. Nada songon parsuhat ni jolma parsuhatKu. Anggo jolma siida rupa do, tapi anggo Au marnida roha do.”